UEFA Super Cup នឹងបើកឲ្យអ្នកគាំទ្រចូលមើលផ្ទាល់ ឯថ្ងៃប្រកួតនៅសល់ ១ ខែទៀត

2020-08-24 10:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពានរង្វាន់ UEFA Super Cup ជារៀងរាល់ឆ្នាំតែងតែធ្វើឡើងពេលបើករដូវកាលថ្មី ដោយលក្ខខណ្ឌប្រកួតគឺ តម្រូវឲ្យក្រុមជើងឯកទ្វីបអឺរ៉ុបលំដាប់ទី ១ Champions League តទល់ជាមួយ ក្រុមជើងឯកទ្វីបអឺរ៉ុបលំដាប់ទី ២ Europa League ។

ដូចនេះ Bayer Munich ត្រូវប៉ះជាមួយក្រុម Sevilla (ក្រុមជើងឯកទ្វីបអឺរ៉ុបលំដាប់ទី ២ Europa League) នឹងធ្វើឡើងនៅថ្ងៃទី ២៤ ខែកញ្ញាឆ្នាំ ២០២០ ក្នុងកីឡដ្ឋាន Puskás Aréna ទីក្រុង Budapest ប្រទេសហុងគ្រី ។

ពានរង្វាន់ UEFA Super Cup

បើយោងតាមប្រភពពីគេហទំព័រ UEFA បានបង្ហើបឲ្យដឹងថា អាចនឹងបើកឲ្យមានអ្នកគាំទ្រចូលមើលផ្ទាល់ ក្នុងចំនួនកំណត់មួយ។ នេះជាដំណឹងដ៏រីករាយមួយ សម្រាប់អ្នកគាំទ្រដែលចង់មើលផ្ទាល់។

Sevilla ជាក្រុមធ្លាប់ឈ្នះពាន UEFA Super Cup ម្ដងគត់នៅឆ្នាំ ២០០៦ ក្រោយយកឈ្នះលើ Barcelona ដែលជាជើងឯក UCL ២០០៦ ដោយលទ្ធផលដល់ទៅ ៣-០ ។ ក្រុមខ្លាំងពីអេស្ប៉ាញមួយនេះ ជាជើងឯកពាន Europa League ៦សម័យ រីឯ Bayer Munich ជាជើងឯក Champions League ៦ សម័យ។

ដោយឡែក បើគិតលើប្រវត្តិធ្លាប់ជួបគ្នាវិញ កន្លងមក នៅរដូវកាល ២០១៧/១៨ Sevilla ធា្លប់ប៉ះគ្នាជាមួយ Bayern តែម្តងគត់វគ្គ ៨ក្រុមចុងក្រោយ UCL សរុបលទ្ធផលទាំងពីរជើង Bayern ឈ្នះ ២-១ ៕