អត់គីមីទេ! ភេសជ្ជៈធ្វើពីបន្លែផ្លែឈើទាំង៦នេះ អាចជួយប៉ូវកម្លាំងផ្លូវភេទបាន

2020-08-26 06:35:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រៅពីការទទួលទានអាហារប៉ូវ ការហាត់ប្រាណ និងការប្រើប្រាស់ផលិតផលជំនួយផ្សេងៗ ការជ្រើសរើសភេសជ្ជៈបែបធម្មជាតិមួយចំនួនក៏អាចផ្ដល់អត្ថប្រយោជន៍ជាច្រើនផងដែរចំពោះសមត្ថភាពផ្លូវភេទ។ បើតាមអ្នកជំនាញ មានភេសជ្ជៈធម្មជាតិចំនួន ៦មុខ អាចបង្ហាញផលវិជ្ជមានល្អចំពោះរឿងនៅលើគ្រែជាមួយនិងដៃគូរបស់អ្នក៖

១. ភេសជ្ជៈផលិតពីដើមស្ពៃក្រហម

ស្ពៃក្រហមប្រភេទនេះសម្បូរទៅដោយសារធាតុរ៉ែម្យ៉ាងឈ្មោះថា "Boron" ដែលជំនួយដល់ការផលិតអ័រម៉ូនផ្លូវភេទ។ បន្ថែមពីនេះ វាក៏ជួយសម្រួលដល់លំហូរឈាមក្នុងរាងកាយផងដែរ ជាពិសេសនៅពេលកំពុងរួមភេទ។ សម្រាប់បុរសៗ គួរគប្បីទទួលទានភេសជ្ជៈនេះឲ្យបានជារៀងរាល់ថ្ងៃ។

២. ទឹកដោះគោ

បើតាមទំនៀមទម្លាប់ឥណ្ឌា ស្វាមីភរិយាថ្មីថ្មោងត្រូវផឹកទឹកដោះគោជាមុនសិន មុនយប់ផ្សំដំណេក។ ដឹងមូលហេតុអីអត់? នេះគឺព្រោះតែវាជាភេសជ្ជៈប៉ូវកម្លាំងផ្លូវភេទដ៏អស្ចារ្យមួយ និងជួយបន្ថែមថាមពលដល់រាងកាយ។

៣. ទឹកទទឹម

ទទឹមត្រូវគេទទួលស្គាល់ច្រើនថាវាជាប្រភេទផ្លែឈើដ៏អស្ចារ្យមួយក្នុងការជួយដល់សុខភាពផ្លូវភេទ ដែលយើងមិនគួរមើលរំលងសោះឡើយ។ ការទទួលទានទឹកទទឹមរាល់ថ្ងៃ អាចធ្វើឲ្យលំហូរឈាមដើរបានល្អ និងផ្ដល់កម្លាំងខ្លាំងក្លានៅពេលធ្វើប្រតិបត្តិការលើគ្រែ។

៤. ភេសជ្ជៈធ្វើពីផ្លែបឺរ

វាពោរពេញទៅដោយសារធាតុរ៉ែល្អៗ និងវីតាមីនជាច្រើនប្រភេទ ដែលផ្ដល់គុណប្រយោជន៍ចំពោះសុខភាពរាងកាយ។ ក្នុងនោះផងដែរ វាក៏អាចជួយមួយផ្នែកទៅដល់សុខភាពផ្លូវភេទនារីៗ ព្រោះតែបឺរសម្បូរជាតិប៉ូតាស្យូមខ្ពស់។