អ៊ីស្រាអែល ចរចាយ៉ាងសម្ងាត់ជាមួយប្រទេសអារ៉ាប់ និងមេដឹកនាំមូស្លីមជាច្រើន
- 2020-08-31 03:36:16
- ចំនួនមតិ 0 | ចំនួនចែករំលែក 0
អ៊ីស្រាអែល ចរចាយ៉ាងសម្ងាត់ជាមួយប្រទេសអារ៉ាប់ និងមេដឹកនាំមូស្លីមជាច្រើន
ចន្លោះមិនឃើញ
លោក Benjamin Netanyahu នាយករដ្ឋមន្រ្តីអ៊ីស្រាអែល បានបញ្ជាក់ថា អ៊ីស្រាអែល កំពុងចរចាយ៉ាងសម្ងាត់ជាមួយប្រទេសអារ៉ាប់ និងមេដឹកនាំមូស្លីមជាច្រើន ដើម្បីផ្សះផ្សារគ្នា បន្ទាប់ពីភ្ជាប់ទំនាក់ទំនងជាមួយអារ៉ាប់រួម។ លោកថ្លែងដូច្នេះក្នុងសន្និសីទកាសែតរួមគ្នាជាមួយមន្រ្តីជាន់ខ្ពស់អាមេរិកកាលពីថ្ងៃទី៣០ ខែសីហា ឆ្នាំ២០២០។
លោកបានអះអាងថា ប្រទេសអារ៉ាប់ទាំងនោះ ទទួលស្គាល់ថា ពួកគេនឹងមានផលប្រយោជន៍ពិតៗចំពោះការភ្ជាប់ទំនាក់ទំនងជាមួយអ៊ីស្រាអែល។
សូមជម្រាបថា នៅថ្ងៃទី៣១សីហានេះ អ៊ីស្រាអែល បានបើកជើងហោះហើរត្រង់ទៅកាន់អារ៉ាប់រួម ជាលើកដំបូង ក្រោយប្រទេសទាំងពីរ ភ្ជាប់ទំនាក់ទំនងគ្នា ក្រោមការជួយជ្រុមជ្រែងពីអាមេរិក។ គណៈប្រតិភូអ៊ីស្រាអែល រួមជាមួយមន្រ្តីអាមេរិក នឹងធ្វើដំណើរទៅអារ៉ាប់រួម ដើម្បីពិភាក្សាអំពីការជំរុញវិស័យទេសចរណ៍ ពាណិជ្ជកម្ម សេដ្ឋកិច្ច ហិរញ្ញវត្ថុ សុខាភិបាល ថាមពល និងសន្តិសុខ៕