បុរសមាឌធំ១៤០គីឡូ អាចសម្រកបានជាង ៧០គីឡូ ដោយសារតែធ្វើរឿងទាំងអស់នេះ!

2020-09-01 01:21:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រោះតែមិនពេញចិត្តនឹងរូបរាងកាយដ៏ធាត់ បុរសជប៉ុនម្នាក់ឈ្មោះថា Ruibozu បានសម្រេចកែប្រែទម្លាប់រស់នៅមួយចំនួន ដើម្បីសម្រកទម្ងន់របស់ខ្លួន។ ពេលចាប់ផ្ដើមដំបូង លោក Ruibozu មានទម្ងន់ប្រមាណ ១៤០គីឡូក្រាម ហើយមកទល់នឹងបច្ចុប្បន្នលោកអាចបញ្ចុះទម្ងន់បានជាង ៧០គីឡូក្រាមឯណោះ។ លទ្ធផលសម្រកទម្ងន់ដ៏អស្ចារ្យនេះមានរយៈពេល១ឆ្នាំ ដោយគិតចាប់ពីខែឧសភា ឆ្នាំ២០១៩ មកដល់ពាក់កណ្ដាលឆ្នាំ២០២០។

លោក Ruibozu បានរៀបរាប់ថា ការដែលមានសាច់ខ្លាញ់ច្រើនងាយណាស់នឹងធ្វើឲ្យយើងប្រឈមនឹងជំងឺធ្ងន់ធ្ងរដូចជា ជំងឺបេះដូង និងជំងឺទឹកនោមផ្អែម ជាដើម។ ហេតុដូច្នេះហើយទើបលោកព្យាយាមធ្វើលំហាត់ប្រាណបញ្ចុះទម្ងន់ខ្លួន។ លោក Ruibozu បាននិយាយថា ការធ្វើលំហាត់ប្រាណមិនចេះតែបង្ខំធ្វើតាមចិត្តចង់នោះទេ ពោលគឺធ្វើទៅតាមកម្រិតនីមួយៗម្ដងបន្តិចៗ ដោយអាស្រ័យទៅទម្ងន់ខ្លួនយើងជាក់ស្ដែង ជៀសវាងការមានរបួសនៅកំឡុងពេលហាត់ (សូមមើលវីដេអូនៅខាងក្រោម)។

បន្ថែមពីលំហាត់ប្រាណខាងលើ លោក Ruibozu ក៏ផ្លាស់ប្ដូរទម្លាប់ហូបចុកផងដែរ ដោយងាកមកទទួលទាននូវរបបអាហារដែលមានសារធាតុខ្លាញ់តិចតួចបំផុតដូចជា បន្លែ និងសាច់ទ្រូងមាន់ ជាដើម។

ក្រោយជោគជ័យលើការសម្រកទម្ងន់ លោក Ruibozu ក៏បានបង្ហោះវីដេអូលើកទឹកចិត្តបុគ្គលដែលធាត់ៗផងដែរនៅលើបណ្ដាញសង្គម YouTube ដោយមានដូចជាការចែករំលែកនូវបទពិសោធន៍ផ្ទាល់ខ្លួន ក៏ដូចជាយុទ្ធសាស្ត្រនៃការធ្វើលំហាត់ប្រាណ៕

ប្រភព៖ 9gag ប្រែសម្រួល៖ ឈាង.