៤មូលហេតុធំៗដែលមានមនុស្សរៀបការជាមួយនឹងសត្វ

2020-09-02 06:04:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាពេលបច្ចុប្បន្ន មានករណីកម្រមួយចំនួនដែលមនុស្សសម្រេចចិត្តរៀបការជាមួយនឹងសត្វចិញ្ចឹមរបស់ពួកគេដូចជា ឆ្កែ ឆ្មា គោ ផ្សោត និងកង្កែប ជាដើម។ វាហាក់បីដូចជារឿងចម្លែកខ្លាំងសម្រាប់មនុស្សទូទៅ តែបើក្រឡេកមកមើលមូលហេតុចម្បងៗមួយចំនួនខាងក្រោម អ្នកប្រហែលជាយល់ពីអារម្មណ៍ពួកគេមិនខាន៖

១. ភាពខកចិត្តនឹងចំណងស្នេហ៍បរាជ័យជាច្រើនលើកច្រើនសា

ធ្លាប់មានស្ត្រីម្នាក់ឈ្មោះ Elizabeth Hoad ខកបំណងនឹងស្នេហារបស់នាងជាច្រើនដង ពោលគឺផ្ដាច់ពាក្យ៤ដង និងបរាជ័យរឿងស្នេហ៍២២០ដង។ ហេតុដូច្នេះហើយទើបនាងសម្រេចចិត្តរៀបអាពាហ៍ពិពាហ៍ជាមួយឆ្កែចិញ្ចឹមទៅវិញ។

Elizabeth Hoad និងស្វាមីជាសត្វសុនខ

**២. រស់នៅជាមួយនឹងសត្វមិនសូវសៅហ្មងចិត្ត និងឯកោ**

បើតាមការសិក្សាមួយរបស់ National Library of Medicine របស់អាមេរិក បានឲ្យដឹងថា ការដែលមានសត្វចិញ្ចឹមគឺល្អចំពោះសុខភាពផ្លូវចិត្តមនុស្ស ដោយវាអាចជួយកាត់បន្ថយភាពឯកោ និងភាពទុក្ខសោក ជាដើម។ កត្តានេះជំរុញឲ្យមនុស្សមួយចំនួនចាប់ផ្ដើមយល់ថា សត្វចិញ្ចឹមគឺជាដៃគូជីវិតដ៏ល្អជាងការដែលរៀបអាពាហ៍ពិពាហ៍ជាមួយមនុស្សដូចគ្នា។ ការសិក្សាដដែលនេះ ក៏បានបង្ហាញដែរថា ទំនាក់ទំនងស្នេហារវាងមនុស្សនិងសត្វនេះច្រើនតែកើតឡើងចំពោះស្ត្រីភេទ។

រូបតំណាង

៣. សត្វស្មោះត្រង់ជាងមនុស្ស

ជាឧទាហរណ៍ មានស្ត្រីម្នាក់ឈ្មោះ Wilhelmina Morgan Callaghan បានយកសត្វឆ្កែចិញ្ចឹមធ្វើជាស្វាមី ក្រោយរឿងរ៉ាវជីវិតនាងធ្លាក់ដុនដាបខ្លាំង ហើយគ្មាននរណាអើពើ សូម្បីតែក្រុមគ្រួសារ លើកលែងតែសត្វឆ្កែ១គត់ដែលនៅតែស្មោះស្ម័គ្រនឹងនាង ហើយមិនទៅណាចោលនាង។

Wilhelmina Morgan Callaghan និងស្វាមីជាសត្វសុនខ

៤. ជំនឿ

ចំណងអាពាហ៍ពិពាហ៍រវាងមនុស្សនិងសត្វមួយចំនួន កើតឡើងក្រោមរូបភាពនៃជំនឿអរូបិយ។ ជំនឿទាំងនោះមានដូចជា រៀបការជាមួយសត្វដើម្បីបណ្ដេញខ្មោចឬព្រាយ រៀបការដើម្បីនាំសំណាងល្អ ឬព្យាបាលជំងឺ ជាដើម៕