សម្រាប់អ្នកចូលចិត្តញ៉ាំមី! នេះវិធីសម្ងាត់៤យ៉ាងជួយកាត់បន្ថយផលប៉ះពាល់នៃមី

2020-09-03 07:02:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មីគឺជាប្រភេទអាហារលឿនរហ័សទាន់ចិត្ត និងមានរសជាតិឆ្ងាញ់ ដែលជាការពេញនិយមសម្រាប់មនុស្សភាគច្រើន។ ប៉ុន្តែបើនិយាយដល់សារប្រយោជន៍ចំពោះសុខភាពវិញគឺសឹងតែគ្មានទាល់តែសោះ។ ចុះត្រូវធ្វើដូចម្ដេច បើអ្នកពិតជាចូលចិត្តញ៉ាំមីខ្លាំង? ដំណោះស្រាយគឺមិនមែនអត់នោះឡើយ។ យើងមិនអាចធ្វើឲ្យការទទួលទានមីផ្ដល់ផលល្អដល់សុខភាពទេ តែយើងអាចកាត់បន្ថយផលអាក្រក់វាបានតាមរយៈវិធីសាស្ត្រមួយចំនួនដូចខាងក្រោម៖

១. ចេះពិនិត្យមើលកម្រិតសូដ្យូម

មុននឹងទៅទិញមីញ៉ាំ យើងគប្បីក្រឡេកមើលកញ្ចប់វាជាមុនសិន ដើម្បីដឹងពីបរិមាណសូដ្យូម។ ជាឧទាហរណ៍មានមីខ្លះមានបរិមាណសូដ្យូមច្រើនដល់ជាង៨០០មិល្លីក្រាម ឬ៩០០មិល្លីក្រាមឯណោះ។ បើតាមអ្នកជំនាញផ្នែកសុខភាព បានឲ្យដឹងថា មនុស្សម្នាក់គួរទទួលទានសូដ្យូមមិនលើសពី ២៣០០មិល្លីក្រាមក្នុង១ថ្ងៃឡើយ។

២. បន្ថែមបន្លែ

វាមិនចំណាយពេលយូរទេដោយគ្រាន់តែបន្ថែមបន្លែស្រស់ចូលទៅក្នុងទឹកស៊ុបមី។ បន្លែស្រស់ទាំងនេះនឹងជួយកាត់បន្ថយគុណវិបត្តិនៃមី ហើយជួយផ្ដល់វីតាមីនចិញ្ចឹមដល់រាងកាយ ក៏ដូចជាសារធាតុសរសៃដែលល្អសម្រាប់ប្រព័ន្ធរំលាយអាហារ។

៣. ចម្អិនមីជាមួយសាច់ និងស៊ុត

ការថែមសាច់និងស៊ុតជាមួយមី នឹងជួយផ្ដល់ប្រូតេអ៊ីនបន្ថែមចំពោះអ្នកទទួលទាន (ចំពោះអ្នកតមសាច់ អាចដាក់បន្ថែមសណ្ដែកខៀវ និងតៅហ៊ូ ព្រោះវាក៏សម្បូរប្រូតេអ៊ីនផងដែរ)។

៤. មានគំនិតច្នៃប្រឌិតដោយខ្លួនឯង

កុំញ៉ាំតែមីមួយមុខគត់! ត្រូវចេះមានគំនិតកែច្នៃវាខ្លះ ដើម្បីកាត់បន្ថយផលប៉ះពាល់។ ជាឧទាហរណ៍ អ្នកអាចញ៉ាំមីបណ្ដើរ ក្លែមបន្លែឬផ្លែឈើស្រស់បណ្ដើរក៏ជារឿងល្អម៉្យាងដែរ៕

ប្រភព៖ SpoonUniversity ប្រែសម្រួល៖ ឈាង.