គួរអនុវត្តតាម! ប្រែពីស្រីម៉ាប់ក្លាយជាស្រីស្អាតមាឌតូចច្រឡឹងដោយប្រើគន្លឹះពិសេស១នេះ

2020-09-10 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Soo Hyun គឺជានារីកូរ៉េម្នាក់ ដែលធ្លាប់មានរូបរាងធាត់ ហើយទម្ងន់ដល់ ៦៤គីឡូឯណោះ។ យ៉ាងណាមិញ ក្រោយអនុវត្តវិធីសាស្ត្រពិសេសមួយ Soo Hyun បានប្រែក្លាយជាស្រីស្អាតមាឌតូចច្រឡឹងមួយរូបសឹងមិនគួរឲ្យជឿ។ Soo Hyun នាពេលបច្ចុប្បន្នមានទម្ងន់តែ ៤៣គីឡូប៉ុណ្ណោះ ពោលគឺស្រកបាន ២១គីឡូ។

Soo Hyun បានប្រាប់ថា ដំបូងឡើយ នាងចេះតែឃ្លាននេះឃ្លាននោះ ហើយឧស្សាហ៍ញ៉ាំចំណីច្រើន រហូតឡើងគីឡូយ៉ាងច្រើន។ ក្រោយមក នាងបានរកឃើញថា វាបណ្ដាលមកពីជំងឺម្យ៉ាងគេហៅថា Hypothyroidism ដែលជាការថយចុះនៃការបញ្ចេញបរិមាណអ័រម៉ូនទីរ៉ូអ៊ីតមិនគ្រប់គ្រាន់សម្រាប់សារពាង្គកាយ និងធ្វើឲ្យប្រព័ន្ធរំលាយអាហារដើរមិនស្រួល។ ទោះជាព្យាយាមញ៉ាំអាហារតែបន្តិចក្ដី ក៏គីឡូនៅតែបន្តឡើងដដែលមិនស្រកនោះទេ។

ថ្វីត្បិតដឹងថាខ្លួនកើតជំងឺនេះក្ដី Soo Hyun នៅប្រកាន់ភ្ជាប់ភាពសុទិដ្ឋិនិយម ហើយចាប់ផ្ដើមស្វះស្វែងរកដំណោះស្រាយ ដោយងាកទៅការទទួលទានរបបអាហារដែលល្អចំពោះសុខភាពវិញ។ ក្រោយអនុវត្តវិធីសាស្ត្រនេះក្នុងរយៈពេល១ឆ្នាំ នាងក៏ស្រកគីឡូតាមបំណងដែលចង់បាន។

របបអាហារថ្មីរបស់ Soo Hyun គឺប្រើប្រេងអូលីវតិច ហើយមិនហឹរ និងសុទ្ធតែចម្អិនឲ្យឆ្អិន។ នាងបន្តថា នាងមិនអនុវត្តវិធីបង្អត់អាហារខ្លួនឯងនោះទេ។ នាងត្រូវញ៉ាំយ៉ាងម៉េចឲ្យបាន ៣ពេលក្នុង១ថ្ងៃ ដើម្បីទ្រទ្រង់រាងកាយ។

នៅពេលព្រឹក នាងញ៉ាំអាហារដែលសម្បូរជាតិប្រេងធម្មជាតិច្រើន ព្រោះវាជួយដល់ប្រព័ន្ធរំលាយអាហារឲ្យដំណើរការស្រួល និងការផលិតអ័រម៉ូនរាងកាយ។ បើតាមអ្នកជំនាញ អាហារទាំងនោះមានដូចជា ផ្លែប័រ ត្រីសាល់ម៉ុង ត្រីធូណា តៅហ៊ូ និងសូកូឡាខ្មៅជាដើម។ សម្រាប់ Soo Hyun ជាធម្មតានាងញ៉ាំផ្លែប័រ១ចំហៀងសម្រាប់អាហារព្រឹក។ ដោយឡែក នាពេលថ្ងៃវិញ នាងញ៉ាំអាហារដែលសម្បូរទៅដោយសារជាតិប្រូតេអ៊ីន ព្រោះវាឆាប់ធ្វើឲ្យឆ្អែត និងកាត់បន្ថយការឡើងកម្រិតជាតិស្ករនៅក្នុងគ្រាប់ឈាម។ ជាទូទៅ នាងទទួលទានទ្រូងមាន់ ឬសាច់គោ សម្រាប់អាហារពេលថ្ងៃ។

ចំណែករបបអាហារពេលល្ងាចរបស់ Soo Hyun វិញមានដូចជា បាយអង្ករក្រហម ដំឡូងផ្អែម និងត្រាវ ជាដើម។ បន្ថែមពីអាហារល្ងាច នាងក៏មានជាបង្អែមលាងមាត់ផងដែរដូចជា ផ្លែឈើ ឬក៏ទឹកដោះគោជូរ។ Soo Hyun ប្រាប់ថា ការបន្ថែមអាហារលាងមាត់នេះជួយឃាត់កុំឲ្យនាងឃ្លានខ្លាំងដល់ថ្នាក់បាត់បង់ម្ចាស់ការមកសភាពដើមវិញ៕