មនុស្សស្រីដំបូងគេបង្អស់ ផ្ទេរពីក្រុមស្រីៗ ចុះកុងត្រាលេងឲ្យក្រុមបាល់ទាត់ ប្រុសៗ

2020-09-11 07:02:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Yuki Nagasato នឹងក្លាយជា កីឡាការិនី ដំបូងគេបង្អស់ក្នុងប្រវត្តិសាស្ត្រ បាល់ទាត់ ដែលមានសមត្ថភាពខ្ពស់ អាចលេងបាល់ជាមួយក្រុមបាល់ទាត់ ប្រុសៗ ក្រោយពេលសម្រេចផ្លូវការចុះកិច្ចសន្យាផ្ទេរពីក្លឹប Chicago Red Stars (អាមេរិក) ក្នុងលក្ខខ័ណ្ឌខ្ចីជើង១ឆ្នាំ មកលេងឲ្យក្លឹប Hayabusa Eleven (ជប៉ុន)។

ក្រុមនេះមិនមែនស្ថិតក្នុងលីគកំពូល J-League នោះទេ តែជាក្លឹបបាល់ទាត់អាជីពមួយក្នុងលីគ ២ នៅ ជប៉ុន ។

Yuki Nagasato រូបកណ្ដាលអាវលេខ១៧

ខ្សែប្រយុទ្ធជម្រើសជាតិ ជប៉ុន វ័យ ៣៣ឆ្នាំរូបនេះ អាចចាត់ទុកថាជា វីរនារី (Legend) បន្ទាប់ពីធ្លាប់ជួយប្រទេសកំណើតលើកពាន FIFA Women's World Cup ដំបូងបំផុតកាលពីឆ្នាំ ២០១១ និងជាម្ចាស់មេដាយប្រាក់ ក្នុងកីឡាករអូឡាំពិក ២០១២ ព្រមទាំងឈ្នះពាន UEFA Champions League នារី ផងដែរ។

នៅក្នុងសន្និសីទកាសែត កាលពីថ្ងៃព្រហស្បតិ៍ នាងបាននិយាយលើកទឹកចិត្តដល់ក្មេងស្រីៗជំនាន់ក្រោយដូច្នេះថា៖ "ជាការពិតណាស់ នារី ក៏មានសិទ្ធអាចចូលរួមលេងនៅក្រុមរបស់បុរស និងធ្វើការប្រកួតប្រជែងគ្នាបាន។ ក្មេងៗស្រីទាំងអស់ កំពុងលេងបាល់ទាត់ ក៏អាចលេងជាមួយក្មេងប្រុសៗបានដែរ”។ សម្រាប់ការបង្ហាញខ្លួនប្រកួតដំបូងរបស់នាង ឲ្យក្រុម Hayabusa នឹងចាប់ផ្តើមពីខែ តុលា ២០២០ ខាងមុខនេះ៕

វីដេអូកាល ជប៉ុន យកឈ្នះ អាមេរិក លើកពាន World Cup ផ្នែកនារីដំបូងបំផុត (watch on YouTube)៖