ក្មេងតូចៗ​នៅ​កូរ៉េ​ខាង​ជើង ដាច់ខាត​ត្រូវ​ចំណាយ​ពេល​៩០នាទី​រាល់​ថ្ងៃ​ដើម្បី​រៀន​​ពីរឿង​ម៉្យាង

  • 2020-09-23 00:59:25
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ក្មេង​សិស្ស​សាលា​បឋម​ក្នុង​ប្រទេស​កូរ៉េ​ខាង​ជើង ជា​រៀងរាល់​ថ្ងៃ​ត្រូវតែ​​ឆ្លៀត​ពេល​ឲ្យ​បាន ៩០​នាទី ក្នុង​ការ​រៀនសូត្រ​ពី​មេ​ដឹក​នាំ​របស់​ខ្លួន​គឺ​លោក គីម ជុងអ៊ុន។ នេះ​បើ​យោង​តាម​ច្បាប់​សិក្សា​ថ្មី ដែល​ចូល​ជា​ធរមាន​កាល​ពី​ថ្ងៃ​ទី​២៥ ខែ​សីហា ឆ្នាំ២០២០។ បទ​បញ្ជា​នេះ​ត្រូវ​បាន​ប្រកាស​ឲ្យ​ប្រើប្រាស់​ដោយ​​អ្នក​ស្រី គីម យ៉ូជុង ដែល​ជា​ប្អូន​ស្រី​បង្កើត​​លោក គីម ជុងអ៊ុន។

គោល​បំណង​នៃ​ច្បាប់​សិក្សា​ថ្មី​នេះ គឺ​បង្កើន​ភាព​ស្មោះត្រង់ និង​ការ​ជឿ​ទុក​ចិត្ត​បន្ថែម​មួយ​កម្រិត​ទៀត​ចំពោះ​ការ​ដឹក​នាំ​របស់​រដ្ឋាភិបាល​ក្រុង​ព្យុងយ៉ាង។ បើ​​តាម​សេចក្ដី​រាយការណ៍​ពី​សារព័ត៌មាន​កូរ៉េ​ខាង​ត្បូង Daily NK បាន​ឲ្យ​ដឹង​ថា មួយ​នៅ​ក្នុង​ចំណោម​មេរៀន​ដែល​ត្រូវ​បង្រៀន​ក្មេង​តូចៗ​គឺ​ថា នៅ​អាយុ​ត្រឹម​៥​ឆ្នាំ លោក គីម ជុងអ៊ុន មាន​សមត្ថភាព​ពិសេស​អាច​បើក​​​​កាណូត បាញ់​កាំភ្លើង​ចំ​គោលដៅ​ច្បាស់ និង​ចូលចិត្ត​អាន​សៀវភៅ ជា​ដើម។

សូម​បញ្ជាក់​ថា វា​មិន​មែន​ជា​លើក​ដំបូង​​ឡើយ​ដែល​កូរ៉េ​ខាង​ជើង​តម្រូវ​ឲ្យ​​ក្មេងៗ​សិស្ស​សាលា​ត្រូវ​​រៀនសូត្រ​ពី​​ភាព​អស្ចារ្យ​នៃ​មេ​ដឹក​នាំ​របស់​ខ្លួន គឺ​គ្រាន់​តែ​​កាល​ពី​មុន​នោះ​ពួក​គេ​ត្រូវ​ចំណាយ​ពេល​ត្រឹម​​៣០​នាទី​ប៉ុណ្ណោះ៕

ប្រភព៖ Hindustantimes ប្រែ​សម្រួល៖ ឈាង.

អត្ថបទថ្មី
;