ថា​អី​តែ​តារា​ប្រុស តារា​ស្រី​ថៃ​៤រូបនេះ​ក៏​មាន​សាច់​ដុំ​ក្បាលពោះ​​គួរ​ឲ្យទាក់​ទាញ​ផង​ដែរ!

  • 2020-09-23 06:13:28
  • ចំនួនមតិ 1 | ចំនួនចែករំលែក 13

ចន្លោះមិនឃើញ


ខាង​ក្រោម​នេះ​គឺ​ជា​តារា​សម្ដែង​​ស្រី​ជនជាតិ​ថៃ​ចំនួន ៤​រូប ដែល​មាន​រូប​រាង​ស្រស់​ស្អាត​ដ៏​ទាក់ទាញ ហើយ​ជា​ពិសេស​នោះ​គឺ​ពួក​គេ​មាន​សាច់​ដុំ​កង់ៗ​ក្បាល​ពោះ​មិន​ចាញ់​ក្រុម​តារា​ប្រុស​ប៉ុន្មាន​នោះ​ឡើយ៖

១. Nataya Lundberg៖ ជា​តារា​ស្រី​មាន​រូបរាង​​ស្រស់​ស្អាត​បែប​អឺរ៉ុប Nataya Lundberg រមែង​មាន​ទម្លាប់​ទទួល​របប​អាហារ​ដែល​ល្អ​ចំពោះ​សុខភាព និង​ទម្លាប់​ហាត់ប្រាណ​ជា​ប្រចាំ។ តារា​ស្រី​កើត​នៅ​ឆ្នាំ​១៩៨៩​រូប​នេះ តែងតែ​ទៅ​ក្លឹប​ហាត់ប្រាណ​ និង​ធ្វើ​​យូហ្គា​ជា​រៀងរាល់​ព្រឹក ហើយ​ក្នុង​១​សប្ដាហ៍​ នាង​កំណត់​យ៉ាង​ណា​គឺ​រត់​ឲ្យ​បាន​រយៈ​ចម្ងាយ ៣០​គីឡូម៉ែត្រ។

២. Davika Hoorne​៖ តារា​ស្រី​​កើត​ឆ្នាំ​១៩៩២​រូប​នេះ មាន​ទម្លាប់​ហាត់ប្រាណ​ដោយ​ដើរ​ឲ្យ​បាន ២​គីឡូម៉ែត្រ​ក្នុង​១​ថ្ងៃ។ បន្ថែម​ពី​នេះ Davika ក៏​ទៅ​ក្លឹប​ហាត់ប្រាណ​ជា​ប្រចាំ​ផង​ដែរ។

៣. Kimberley Anne Woltemas៖ តារា​កូន​កាត់​ថៃ​-អាល្លឺម៉ង់​រូប​នេះ ចូលចិត្ត​ហាត់​យូហ្គា ដែល​ជាទូទៅ​​ចំណាយ​ពេល​២ដង​ក្នុង​១​សប្ដាហ៍ បន្ថែម​ពី​លើ​ការ​ធ្វើ​លំហាត់​ប្រាណ​ជា​ប្រចាំ​ថ្ងៃ។ ចំពោះ​របប​អាហារ​របស់ Kimberley មាន​ដូចជា បឺរ ប្រេង​អូលីវ ត្រី​សាល់ម៉ុល ទឹក​ក្រូច​ស្រស់ ក្រូច​ឃ្វិច ការ៉ុត និង​ប៉េងប៉ោះ។

៤. Bella Ranee៖ ទោះ​មមាញឹក​នឹង​ការ​ថត​យ៉ាង​ណា​ក៏​ដោយ Bella មិន​ចោល​ទម្លាប់​ហាត់ប្រាណ​ឡើយ។ ជា​រៀងរាល់​ព្រឹក​ឲ្យ​តែ​ងើប​ពី​គេង នាង​ចូលចិត្ត​ដើរ​ហាត់​ប្រាណ និង​ទៅ​ក្លឹប​ហាត់​កីឡា។ មួយ​វិញ​ទៀត នាង​ក៏​បាន​ចូល​រៀន​ថ្នាក់​ហាត់​រាំ​ផង​ដែរ៕

ប្រភព៖ Zing ប្រែ​សម្រួល៖ ឈាង.

;