ឆេះអាគារកំពស់ ៣៣ជាន់ នៅកូរ៉េបណ្តាលឲ្យរបួស ៨៨នាក់ (វីដេអូ)

2020-10-09 02:29:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គិភ័យមួយបានរាលដាលពេញតួអាគារលំនៅដ្ឋានដ៏ខ្ពស់មួយនៅទីក្រុងកំពង់ផែ អ៊ុលសាន របស់កូរ៉េខាងត្បូងកាលពីយប់ថ្ងៃព្រហស្បតិ៍ទី០៨តុលា ដោយបណ្តាលអោយរបួសស្រាលមនុស្សរាប់សិបនាក់ នេះបើតាមការបញ្ជាក់ពីមន្ត្រីកាលពីថ្ងៃសុក្រ។ រូបពីកន្លែងកើតហេតុបង្ហាញដុំភ្លើងដ៏ធំរត់ឡើងលើតួអាគារកំពស់៣៣ជាន់យ៉ាងលឿន រហូតដល់ដំបូលនៅពេលបុគ្គលិកពន្លត់អគ្គិភ័យព្យាយាមពន្លត់ពីក្រោយទៅ។

** ទាញយក App Kley Kley នៅលើ Android និង iOS ដើម្បីទទួលបានព័ត៌មានលឿនរហ័ស **

មិនទាន់មានសេចក្តីរាយការណ៍ភ្លាមៗនៅឡើយថាតើមានអ្នកស្លាប់ឬរបួសធ្ងន់ដែរឬទេ តែក្រសួងមហាផ្ទៃនិងសុវត្ថិភាពកូរ៉េខាងត្បូងបាននិយាយថា មនុស្ស៨៨នាក់ត្រូវបាននាំទៅព្យាបាលដោយសាររងរបួសតិចតួច ដូចជារលាត់ស្បែកនិងឈ្លួកផ្សែង។

Massive fire engulfs 33-storey tower block in Ulsan, South Korea.
pic.twitter.com/P4vYPHcvhv
— Xavi Ruiz (@xruiztru) October 8, 2020

មនុស្សរាប់រយនាក់ត្រូវបានជម្លៀសនៅពេលអគ្គិភ័យចាប់ផ្តើមឡើង ហើយមនុស្ស៧៧នាក់ត្រូវបានសង្គ្រោះចេញពីដំបូលអាគារនិងកន្លែងផ្សេងទៀតក្នុងអាគារ។ ក្រុមមន្ត្រីកំពុងស៊ើបអង្កេតរកមូលហេតុនៃការឆេះនេះដែលបានចាប់ផ្តើមចេញពីយ៉នៅជាន់ក្រោមមួយកាលពីយប់ថ្ងៃព្រហស្បតិ៍និងរាលឡើងលើនៅខាងក្រៅអាគារយ៉ាងលឿនដោយសារខ្យល់ខ្លាំង។