NOCC សរសើរសហព័ន្ធកីឡាវាយកូនឃ្លីលើតុ មានសកម្មភាពច្រើនបន្ទាប់ពីមានថ្នាក់ដឹកនាំថ្មី

2020-10-20 09:36:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណៈកម្មាធិការជាតិអូឡាំពិកកម្ពុជា មានការកោតសរសើរ ពីភាពខំប្រឹងប្រែង ជាពិសេសពង្រីកសកម្មភាពផ្សេងៗរបស់សហព័ន្ធកីឡាវាយកូនឃ្លីលើតុ បន្ទាប់ពីមានថ្នាក់ដឹកនាំថ្មីនៅពេលនេះ។

រូបភាព Cambodia SEA GAMES 2023

ឯកឧត្ដម វ៉ាត់ ចំរើន តំណាងគណៈកម្មាធិការជាតិអូឡាំពិកកម្ពុជាបានឲ្យដឹងថា បន្ទាប់ពីស្ថាប័នកីឡាកំពូលបានចាត់តាំងនូវប្រធានសហព័ន្ធវាយកូនឃ្លីលើតុ នាពេលថ្មីៗនេះមកមើលឃើញថាមានសកម្មភាពច្រើន ជាពិសេសការអភិវឌ្ឍន៍ហេដ្ឋារចនាសម្ព័ន្ធ និងធនធានមនុស្សតែម្ដង។

សកម្មភាពនានារបស់សហព័ន្ធនេះ គឺបានផ្ដល់ភាពកក់ក្ដៅដល់ក្រុមកីឡាករ កីឡាការិនី និងភាពវិជ្ជមានជាខ្លាំងក្នុងការពង្រីកសក្ដានុពលក៏ដូចជាពង្រឹងសមត្ថភាពដើម្បីត្រៀមខ្លួនប្រជែងយកមេដាយនៅពេលស៊ីហ្គេម ឆ្នាំ២០២៣ កម្ពុជាធ្វើជាម្ចាស់ផ្ទះ។

រូបភាព Cambodia SEA GAMES 2023

រំលឹកដែរថា ម្សិលមិញនេះសហព័ន្ធកីឡាវាយកូនឃ្លីលើតុ បានធ្វើសកម្មភាពថ្មីទៀតហើយដោយបង្កើតពានរង្វាន់លើកទី១ ជាមួយនិងការប្រកួតជ្រើសរើសជើងឯកថ្នាក់ជាតិ ឆ្នាំ២០២០ នេះតែម្ដង។ ការប្រកួតនេះធ្វើឡើងរយៈពេល៦ថ្ងៃចាប់ពីថ្ងៃទី១៩ ដល់ ២៤ តុលា ២០២០ នៅក្នុងពហុកីឡដ្ឋានជាតិ៕

អត្ថបទ៖ នួន ស៊ីណា