​ក្រោយ​ពេល​ក្រុម​ការពារ​ជើងឯក Bayern Munich ​ឈ្នះ ​៤-០ លើ ​Atletico Madrid​ ​នៅ​ទឹក​ដី ​Allianz Arena ​។ ​កីឡាករ​ដែល​លេចឆ្លោ​ខ្លាំង​រក​បាន ២គ្រាប់​ម្នាក់​ឯងគឺ​ ខ្សែប្រយុទ្ធ​ឆ្នើម​ Kingsley Coman ។

-នេះ​ជា​លើក​ទី ២០ ​ដែល​ក្រុម​ខ្លាំង​ Bayern ​អាច​រក​បាន ៤គ្រាប់​ឡើង​ក្នុងមួយ​ប្រកួត ក្រោម​ការ​ដឹក​នាំ​របស់​លោក Hansi Flick គិតតាំងពីខែវិច្ឆិកា២០១៩ ដែល​ជា​ស្ថិតិ​ខ្ពស់​ជាង​គេ ធៀប​នឹង​ក្រុម​លីគ​កំពូល​៥អឺរ៉ុប​ផ្សេង​ទៀត។

-កាល​ពី​រដូវកាល ២០១៩-២០២០ ​អ្នក​ស៊ុត​ចូល​ដំបូង​គេ (បើកឆាក) ​ឲ្យ​ Bayern Munich ក្នុង​ប្រកួត​ទី​១​ វគ្គ​៣២​ក្រុម​ ​និង​ជា​អ្នក​ស៊ុត​បញ្ចូល​ទី​១គ្រាប់ (បិទឆាក)​ ជួយ​ឲ្យ Bayern ​ឈ្នះ​ជើងឯក​ពាន​អឺរ៉ុប UEFA Champions League ​លើក​ទី៦​។

-រដូវកាល​ ២០២០-២០២១ ​នេះ ​អ្នក​ស៊ុត​ប្រកួត​ទី១បើកឆាក​​ឲ្យ Bayern ​ក៏​នៅ​តែ​ជា​ Kingsley Coman ​ដដែល និងជាពិសេស​ឆ្នាំនេះ ស៊ុតបាន២គ្រាប់ក្នុង​១ប្រកួត​ទៀត​ផង​។

-កាល​ពី​ឆ្នាំ ២០១៨ គេ​ធ្លាប់​រង​របួស​ធ្ងន់ រហូត​ចង់​សម្រេច​ចិត្ត​ចូល​និវត្តន៍​ទាំង​វ័យក្មេង ប៉ុន្តែ​រំលង​បាន ១ឆ្នាំ​ក្រោយ គេ​បាន​សាង​ភាព​ភ្ញាក់ផ្អើល​ជួយ Bayern ​ឈ្នះ​ពាន​ធំៗ​ ៥ ក្នុង​មួយ​រដូវកាល​និង​មាន​កំណត់ត្រា​ល្អ​ជា​ច្រើន​ទៀត៕