ភ្នាក់ងារ​សុខភាព Anvisa នៅក្រុងសាវប៉ូឡូ ប្រទេសប្រេស៊ីល កាលពីថ្ងៃទី២៣ ខែតុលា ឆ្នាំ​២០២០ នៅតែចចេសប្រកាស​ទិញ​វ៉ាក់សាំងកូវីដ១៩ ពីក្រុមហ៊ុនចិន ចំនួន ៦លានដូស ពោលគឺ​ផ្ទុយទាំងស្រុងពីការប្រកាស​របស់​ប្រធានាធិបតី។

** ទាញយក App Kley Kley នៅលើ Android និង iOS ដើម្បី​ទទួលបាន​ព័ត៌មាន​លឿនរហ័ស **

បើតាម​លោក Joao Doria អភិបាល​ក្រុងសាវប៉ូឡូ ឱ្យដឹងថា ភ្នាក់ងារ Anvisa បាន​ប្រាប់​លោកថា ភ្នាក់ងារ​នេះ​នឹង​ខ្លាច​សម្ពាធនយោបាយ ជុំវិញ​ការទិញ​វ៉ាក់សាំងពីចិន​នេះឡើយ។

គួររំលឹក​ថា កាលពីសប្តាហ៍មុន លោក Jair Bolsonaro ប្រធានាធិបតី​ប្រេស៊ីល បាន​ប្រកាសថា ប្រេស៊ីលនឹង​មិន​ទិញ​វ៉ាក់សាំងប្រឆាំងនឹង​ជំងឺកូវីដ១៩ ដែល​ផលិត​ដោយក្រុមហ៊ុនចិនឡើយ។

លោក​លើកឡើង​ថា៖ «ប្រជាជន​ប្រេស៊ីល មិនមែន​ជាសត្វកណ្តុរ​ (សម្រាប់​ធ្វើតេស្ត​វ៉ាក់សាំង) របស់​នរណាម្នាក់​ឡើយ។ ការ​សម្រេចចិត្ត​របស់ខ្ញុំ គឺនឹង​មិនទិញ​វ៉ាក់សាំង​ដែលមិនទាន់​បញ្ចប់ការធ្វើតេស្តសាកល្បងនោះទេ»។

ការ​លើកឡើង​របស់​ប្រធានាធិបតី​ប្រេស៊ីលនេះ បន្ទាប់ពីក្រសួងសុខាភិបាលបាន​ប្រជុំសម្រេចថា នឹង​ទិញ​វ៉ាក់សាំងកូវីដ១៩ CoronaVac ពីក្រុមហ៊ុនចិន ចំនួន ៤៦លានដូស ដោយ​កម្មវិធី​គ្រោងនឹង​ចាប់ផ្តើម​នៅខែមករា ឆ្នាំ​២០២១៕