ឈ្នះមេដាយច្រើន ប៉ុន្តែគ្រូវាយកូនឃ្លីលើតុមហាផ្ទៃឃើញសិស្សមានចំណុចខ្វះខាត

2020-10-26 09:48:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូតំណាងក្លឹបវាយកូនឃ្លីលើតុ ក្រសួងមហាផ្ទៃ ថាជើងឯកថ្នាក់ជាតិឆ្នាំនេះសិស្សរបស់ខ្លួនទទួលបានមេដាយមាសច្រើនគ្រឿងមែន ប៉ុន្តែមានចំណុចខ្វះខាតមួយចំនួនត្រូវកែតម្រូវឡើងវិញ។

រូបភាព NOCC

ឃុន ផានិត គ្រូបង្វឹករបស់ក្លឹបវាយកូនឃ្លីលើតុ បានឲ្យដឹងថា បើសរុបមេដាយក្លឹបរបស់លោកឈ្នះបានរហូត១៩គ្រឿង មានទាំងមាស និងប្រាក់។ ប៉ុន្តែកូនសិស្សលោកមួយចំនួនមើលឃើញថាមានចំណុចខ្វះខាតបញ្ហាអារម្មណ៍ ហាក់មិនទាន់ចេះគ្រប់គ្រងបានល្អ ការប្រកួតឈានដល់វគ្គសំខាន់ ឬពិន្ទុប្រកៀកប្រកើយលែងសូវធ្វើបានល្អ។

ចំណុចខ្វះខាតទាំងប៉ុន្មានខាងលើ លោកនឹងព្យាយាមកែប្រែឲ្យប្រសើរឡើងវិញដើម្បីមានសមត្ថភាពពេញលេញ នៅពេលឈានជើងដល់ការប្រកួតកម្រិតអន្តរជាតិផ្សេងៗនៅពេលខាងមុខនេះជាពិសេសនៅស៊ីហ្គេម។

ទិដ្ឋភាពថ្ងៃបិទបញ្ចប់

ក្លឹបវាយកូនឃ្លីលើតុក្រសួងមហាផ្ទៃគឺជាប់ចំណាត់ថ្នាក់លេខ១ នៅកម្មវិធីជ្រើសរើសជើងឯកថ្នាក់ជាតិ និងពានរង្វាន់លើកទី១ ឆ្នាំ២០២០ នេះដោយឈ្នះមេដាយសរុប ១៩គ្រឿង មាស៧ ប្រាក់៦ សំរឹទ្ធ៦៕

អត្ថបទ៖ នួន ស៊ីណា