នេះជាប្រភេទបក្សីដែលជិតផុតពូជបំផុតនៅកម្ពុជា
- 2021-01-22 09:28:27
- ចំនួនមតិ 0 | ចំនួនចែករំលែក 0
នេះជាប្រភេទបក្សីដែលជិតផុតពូជបំផុតនៅកម្ពុជា
ចន្លោះមិនឃើញ
សត្វត្រយងចង្កំកស គឺប្រភេទបក្សីជិតផុតពូជបំផុត។ បក្សីប្រភេទនេះបន្តពូជនៅក្នុងរដូវប្រាំងចាប់ពីខែ ធ្នូ រហូតដល់ខែមេសា។ សត្វនេះមានវត្តមាននិងពងកូនជាប្រចាំនៅដែនជម្រកសត្វព្រៃលំផាត់។ នាដើមរដូវកាលពងកូនឆ្នាំ២០២០-២០២១នេះ ក្រុមការងារអង្គការ BirdLife បានរកឃើញសំបុកសត្វត្រយងចង្កំកសបានចំនួន៥សំបុកហើយនៅដែនជម្រកសត្វព្រៃនេះ។
ការតាមដាននិងស្រាវជ្រាវរកសំបុកកំពុងបន្តយ៉ាងសកម្ម ជាលទ្ធផលសំបុកមួយត្រូវបានរកឃើញថាបរាជ័យដោយសារបក្សីផ្សេងទៀតស៊ីពង ចំណែកបួនសំបុកទៀតកំពុងក្រាបពង។
អង្គការនេះ សង្ឃឹមថានឹងមានសំបុកផ្សេងទៀតនឹងត្រូវបានរកឃើញនិងធ្វើការអង្កេតតាមដាន។ ការបាត់បង់ទីជម្រក (ទីតាំងពងកូននិងរកចំណី) និងការរំខានដោយសកម្មភាពមនុស្សគឺជាកត្តាគំរាមកំហែងចំបងចំពោះបក្សីប្រភេទនេះ។
ដែនជម្រកសត្វព្រៃលំផាត់ជាជម្រកនៃបក្សីជាតិកម្ពុជា៕
ប្រភព៖ BirdLife