ក្រៅពីធ្វើរ៉ុកកែតនិងឡាន Elon Musk ក៏ធ្លាប់លក់របស់ប្លែកទាំងអស់នេះដែរ!

2021-03-09 05:49:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពេលនិយាយដល់មហាសេដ្ឋី Elon Musk មនុស្សភាគច្រើនច្បាស់ណាស់គឺនឹកឃើញពីសមិទ្ធផលធំៗរបស់លោកចំនួន២ ដោយមានក្រុមហ៊ុនរុករកអវកាស SpaceX និងក្រុមហ៊ុនផលិតឡានអគ្គិសនី Tesla។ ប៉ុន្តែបើតាមពិតទៅ លោក Elon Musk ក៏ធ្លាប់មានការដាក់លក់ផលិតផលផ្សេងៗក្រៅតែពីក្រុមហ៊ុនធំៗទាំង២ខាងលើផងដែរ។

ផលិតផលរបស់លោក Elon Musk ដែលធ្លាប់លក់ និងគ្រប់គ្នាមិនសូវជាចាប់អារម្មណ៍នោះ មានដូចជា៖

១. ខោខ្លីនារី

នៅពាក់កណ្ដាលឆ្នាំ២០២០កន្លងទៅ លោក Elon Musk ធ្លាប់ផលិតខោខ្លីសម្រាប់នារីស្លៀក ដោយមានដាក់ពាក្យថា "S3XY" នៅគូទខាងក្រោយ ឯខាងមុខវិញមានដាំនូវឡូហ្គោតូចមួយរបស់ Tesla។ ពាក្យថា "S3XY" សំដៅលើម៉ូឌែលរថយន្តអគ្គិសនីរបស់ Tesla ដូចជា Model S, Model 3, Model X និង Model Y។ ខោនេះដាក់លក់មានចំនួនកំណត់នៅក្នុងតម្លៃ ៦៩,៤២ដុល្លារ។

២. ស្រាដប "Teslaquila"

ក្រុមហ៊ុន Tesla បានបង្កើតប្រភេទស្រា Tequila ផ្ទាល់ខ្លួន ដោយដាក់ឈ្មោះឲ្យថា "Teslaquila"។ ស្រានេះដាក់លក់ក្នុងតម្លៃ ២៥០ដុល្លារ ហើយមានរូបរាងដូចទៅរន្ទះចំណុះ ៧៥០មីលីលីត្រ។ "Teslaquila" ដាក់លក់មានកំណត់ ហើយក្រោយពីផឹកស្រានៅខាងក្នុងអស់ មានមនុស្សមួយចំនួនបានដាក់លក់វាតាមអនឡាញថែមទៀតផងក្នុងតម្លៃចន្លោះពី ៥០០ ដល់ ១០០០ដុល្លារ ហើយខ្លះអាចហក់ដល់ជាង ១៤០០ដុល្លារក៏មាន។

៣. កាំភ្លើងព្រួសភ្លើង

កាំភ្លើងនេះបង្កើតឡើងដោយក្រុមហ៊ុន The Boring Company របស់លោក Elon Musk កាលពីឆ្នាំ២០១៨ ក្នុងតម្លៃ ៥០០ដុល្លារ។ កាំភ្លើងព្រួសភ្លើងនេះមានឈ្មោះថា "Not-A-Flamethrower" លក់បានចំនួន ២០០០០គ្រឿងឯណោះ ស្មើនឹងតម្លៃ ១០លានដុល្លារ។

៤. ក្ដារស្គីលើទឹក

ក្ដារស្គីនេះលក់នៅក្នុងឆ្នាំ២០១៨ ដោយក្រុមហ៊ុន Tesla ក្នុងតម្លៃ ១៥០០ដុល្លារ ជាមួយចំនួនលក់មានកំណត់ត្រឹមតែ ២០០បន្ទះប៉ុណ្ណោះ។ នៅលើ eBay មានអ្នកខ្លះលក់ក្ដារស្គីនេះបន្តបានដល់តម្លៃ ១២០០០ដុល្លារ។