ក្រុមហ៊ុន AP Honda ដែលជាអ្នកចែកចាយផ្លូវ Honda នៅក្នុងប្រទេសថៃ បានប្រកាសចេញម៉ូតូ Honda Lead ស៊េរីឆ្នាំ២០២១ ជាផ្លូវការ។ ថ្វីបើវាជាស៊េរីថ្មីមែន ប៉ុន្តែ Honda Lead មិនបានអាប់ដេតលើរូបរាង ឬផ្នែកមេកានិចណាមួយឡើយ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ផ្នែកខាងមុខ ម៉ូតូ Honda Lead នៅតែបំពាក់ចង្កៀង LED ៣ផ្នែក គឺមានចង្កៀងមុខ និងស៊ីញ៉ូសងខាងដដែល។ ជាមួយគ្នានេះដែរ វានៅតែបន្តប្រើហ្វ្រាំង CBS ខណៈហ្វ្រាំង ABS គឺគ្មានឡើយ ដែលវាជាចំណុចខ្សោយមួយ បើប្រៀបធៀបទៅនឹងគូប្រជែង ដូចជា Yamaha Grande ឬ Yamaha FreeGo។

ម៉ូតូអូតូ Honda Lead ឆ្នាំ២០២១ បំពាក់ម៉ាស៊ីនកម្លាំង ១២៥សេសេ ប្រភេទ eSP មានប្រព័ន្ធស្អំម៉ាស៊ីន liquid-cooled។ និយាយរួមទៅ ម៉ាស៊ីនរបស់វាមិនមានការផ្លាស់ប្តូរអ្វីឡើយ បើប្រៀបធៀបទៅនឹងស៊េរីមុន។

សូមបញ្ជាក់ថា ម៉ូតូ Honda Lead ឆ្នាំ២០២១ មានជម្រើស ៣ ពណ៌ គឺ ស, ក្រហម និងខ្មៅ ហើយត្រូវបានដាក់លក់តម្លៃ ៥៥ ៥០០បាត ឬប្រហែល ១ ៧៨០ដុល្លារ នៅប្រទេសថៃ៕