អតីតមហាអំណាចអវកាស ចង់ផ្ដាច់ខ្លួនបង្ហើបគម្រោងសង់ស្ថានីយ៍អវកាសផ្ទាល់ខ្លួន

2021-05-03 03:00:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីភ្នាក់ងារអវកាសប្រទេសរុស្ស៊ី បានឲ្យដឹងថា រុស្ស៊ីសង្ឃឹមនឹងអាចបង្កើតស្ថានីយអវកាសផ្ទាល់ខ្លួន នៅឆ្នាំ ២០២៥ ។ គម្រោងនេះត្រូវបានគេដឹងបន្ទាប់ពីទីក្រុងម៉ូស្គូ ចង់ដកខ្លួនចេញពីកម្មវិធីស្ថានីយអវកាសអន្តរជាតិ។

ស្ថានីយអវកាសអន្តរជាតិ ISS /រូបតំណាងផ្គុំដោយគ្រាប់ Lego

ស្ថានីយអវកាសអន្តរជាតិ ISS ត្រូវបានសាងសង់ឡើងម្ដងបន្តិចៗលើលំហអវកាសនិងចំណាយពេលអស់រយៈពេលជាង ២ ទសវត្សទើបរួចរាល់ដោយជោគជ័យក្រោមកិច្ចសហប្រតិបត្តិការលើកដំបូងក្នុងប្រវត្តិសាស្រ្តមនុស្សជាតិរវាង រុស្ស៊ីខ្លួនឯង, សហរដ្ឋអាមេរិក, ជប៉ុននិងបណ្ដាប្រទេសអឺរ៉ុបជាច្រើនដូចជា៖ សុ៊យអែត, កាណាដា,អេស្ប៉ាញជាដើម។

អ្នកទាំងអស់គ្នាច្បាស់ជាបានដឹងរូចមកហើយថា ការសាងសង់ស្ថានីយ៍អវកាស នឹងត្រូវចំណាយទំហំទឹកប្រាក់ដ៏ច្រើនមហាសាល។ គិតមកទល់ពេលនេះ ISS ខាងលើមានអាយុកាលប្រើប្រាស់ច្រើនឆ្នាំមកហើយ យ៉ាងណាមិញ ទីភ្នាក់ងារអវកាសអឺរ៉ុបបញ្ជាក់ថា វាអាចប្រើប្រាស់ដល់ឆ្នាំ ២០២៤ និងបន្តយូរឆ្នាំទៀតបាន។

ប្រធានទីភ្នាក់ងារអវកាសរុស្ស៊ី ឈរថតរូបជាមួយ អវកាសយានិក /រូបថត៖ AFP/Andrey Shelepin

លោក Dmitry Rogozin កំពុងកាន់តំណែងជាប្រធានទីភ្នាក់ងារអវកាសរុស្ស៊ី បានឲ្យដឹងថា៖ «ការងារយើងបានចាប់ផ្តើមហើយលើការអភិវឌ្ឍកំណាត់បន្ទប់ដំបូង វាអាចនឹងត្រូវបញ្ជូនឡើងទៅកាន់ទីអវកាសបាននៅឆ្នាំ ២០២៥ ខាងមុខនេះ៕»

-រុស្ស៊ី ប្រាប់ដំណឹងត្រឡប់ទៅស្រាវជ្រាវបន្តនៅឋានព្រះចន្ទ

ប្រភព៖ thejournal ប្រែសម្រួល៖ រក្សា