ឃើញចិន និងរុស្ស៊ី ផ្តាច់មុខចែកចាយវ៉ាក់សាំងខ្លាំងពេក បៃឌិន ក៏ប្រកាសផែនការនេះដែរ

2021-05-18 08:32:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ចូ បៃឌិន បានបញ្ចេញផែនការចែកចាយវ៉ាក់សាំងកូវីដ១៩ ចំនួន ៨០លានដូស ទៅកាន់ពិភពលោក ដើម្បីទប់ស្កាត់ឥទ្ធិពលរបស់ចិន និងរុស្ស៊ី ដែលតែងតែអួតថា បានខ្លួនបែងចែកវ៉ាក់សាំងយ៉ាងច្រើនទៅក្រៅប្រទេស។

ថ្លែងនៅសេតវិមានកាលពីថ្ងៃទី១៧ឧសភា លោក បៃឌិន លើកឡើងយ៉ាងដូច្នេះថា៖ «មានការនិយាយយ៉ាងច្រើនអំពីរុស្ស៊ី និងចិន ដែលមានឥទ្ធិពលវ៉ាក់សាំងខ្លាំងនៅក្នុងពិភពលោក។ យើងចង់ដឹកនាំពិភពលោកជាមួយគុណតម្លៃរបស់យើង។ ដូចកាលសង្គ្រាមលោកលើកទី២ដែរ អាមេរិកគឺជាកាំភ្លើងធំនៃប្រជាធិបតេយ្យ ឯនៅក្នុងសមរភូមិប្រយុទ្ធនឹងកូវីដ១៩ ប្រទេសរបស់យើង នឹងក្លាយជាកាំភ្លើងធំនៃវ៉ាក់សាំងសម្រាប់ពិភពលោក។»

បើតាមលោកប្រធានាធិបតី ក្នុងចំណោមវ៉ាក់សាំង ៨០លានដូសខាងលើ ក្នុងនោះ ២០លានដូស ជារបស់ក្រុមហ៊ុន Pfizer, Moderna និង Johnson & Johnson និង ៦០ដូសជារបស់ក្រុមហ៊ុន AstraZeneca។ លោកថា ចំនួននេះ គឺច្រើនជាងវ៉ាក់សាំងរបស់រុស្ស៊ី និងចិន ទៅទៀត៕

ប្រភព៖ South China Morning Post