ក្នុងខែឧសភា ឆ្នាំ២០២១ នៅទូទៅប្រទេសកម្ពុជាទទួលបានភ្ញៀវទេសចរសរុប ១៩៤ ០២៥ នាក់ ក្នុងនោះមានភ្ញៀវជាតិ ១៩១ ៨២០ នាក់ និងភ្ញៀវបរទេសផ្ទៃក្នុង ២ ២០៥ នាក់។

នេះបើតាមការឲ្យពីក្រសួងទេសចរណ៍នៅថ្ងៃទី ៣១ខែឧសភា ឆ្នាំ២០២១។

• សប្តាហទី១ ភ្ញៀវប្រមាណ ១៩ ៧០៥ នាក់
• សប្តាហទី២ ភ្ញៀវប្រមាណ ៤៩ ៨៨០ នាក់
• សប្តាហទី៣ ភ្ញៀវប្រមាណ ៥២ ៨៩១ នាក់
• សប្តាហទី៤ ភ្ញៀវប្រមាណ ៧១ ៥៤៩ នាក់។

គោលដៅទេសចរណ៍សំខាន់ៗដែលមានសកម្មភាពទេសចរណ៍ច្រើនជាងគេក្នុងខែឧសភានេះ រួមមាន៖

• ខេត្តកំពត៖ ៣៨ ៨១៧ នាក់
• ខេត្តបាត់ដំបង៖ ២៦ ៨៤០ នាក់
• ខេត្តកែប៖ ២៣,០០៤នាក់
• ខេត្តសៀមរាប៖ ១៨ ៧៥៧ នាក់
• ខេត្តកំពង់ស្ពឺ៖ ១៦ ១៨៧ នាក់
• ខេត្តព្រះសីហនុ៖ ១២ ១៦០នាក់។

លោករដ្ឋមន្ត្រី ថោង ខុន បានបន្តថា ចំនួននេះមានការកើនឡើងប្រមាណ ៦៩៦.៣៣% ធៀបនឹងខែមេសា ដោយសារក្នុងខែមេសា រាជរដ្ឋាភិបាលបានផ្អាកដំណើរការរមណីយដ្ឋានទេសចរណ៍ទូទាំងប្រទេសជាបណ្តោះអាសន្ន រយៈពេលជាងពីរសប្តាហ៍ ចាប់ពីថ្ងៃទី០៧-២៥។

រមណីយដ្ឋានគោលដៅទេសចរណ៍ និងមូលដ្ឋានអាជីវកម្មទេសចរណ៍ បានចាប់ផ្តើមបើកដំណើរឡើងវិញជាបណ្តើរៗ ចាប់ពីរាជរដ្ឋាភិបាលបានបើកដំណើរការរមណីយដ្ឋានទេសចរណ៍ឡើងវិញរហូតដល់ដំណាច់ចុងខែឧសភានេះ ដោយបានអនុវត្តយ៉ាងហ្មត់ចត់តាមវិធានការ «៣ កុំ» និង «៣ ការពារ» រួមជាមួយវិធានសុវត្ថិភាពទេសចរណ៍ក្នុងការទប់ស្កាត់ជំងឺកូវីដ-១៩៕

ប្រភព៖ ក្រសួងទេសចរណ៍