ផលិតកររឿងអោយ Zheng Shuang សងថ្លៃជំងឺចិត្ត ១២លានដុល្លារ តែនាងគ្មានលុយ

2021-08-06 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាសម្ដែងស្រីល្បីឈ្មោះចិន Zheng Shuang ចូលរួមនៅក្នុងគម្រោងភាពយន្ត Jade Lovers តែនៅពេលនេះរឿងមិនអាចចាក់ផ្សាយបាន ធ្វើឲ្យផលិតករទារនាងសងជំងឺចិត្ត។

កាលពីថ្ងៃទី ៥ ខែសីហាកន្លងទៅនេះ បណ្ដាញព័ត៌មាន Sina បានរាយការណ៍ថា ក្រុមហ៊ុនផលិតរឿងភាគ Jade Lovers កំពុងតែធ្វើឲ្យគេចាប់អារម្មណ៍ជាខ្លាំង ក្រោយពេលក្រុមហ៊ុនមួយនេះដាក់ពាក្យបណ្ដឹងតារាសម្ដែងស្រីចិន Zheng Shuang។ តាមនោះដែរ ក្រុមហ៊ុនខាងលើតម្រូវឲ្យ ស្រីស្អាតវ័យ ៣១ឆ្នាំសងជំងឺចិត្តពួកគេ ១២.៤លានដុល្លារ តែតារាស្រីនេះបានបដិសេធ។

មូលហេតុដែល Zheng Shuang លើកឡើងនោះគឺពាក្យបណ្ដឹងមួយនេះមិនសមស្រប ហើយមិនមែនជាកំហុសរបស់ខ្លួន។ តាមនោះដែរ ខ្សែភាពយន្តភាគចិន Jade Lovers ត្រូវបានចាប់ផ្ដើមថតតាំងពីឆ្នាំ ២០១៦ ជាមួយដើមទុនឡើងដល់ ៣៤លានដុល្លារ ដោយមានតួឯកគឺ កំពូលតារាសម្ដែងប្រុសកូរ៉េ Lee Jong Suk និង Zheng Shuang តែដោយសារតែច្បាប់រឹងបណ្ដឹងតារាកូរ៉េ រឿងនេះត្រូវបានផ្អាប់ទុកដល់ឆ្នាំ២០២១។

ដើមឆ្នាំ ២០២១ ផលិតករបានប្រាប់ថា ពួកគេនឹងចាក់ផ្សាយរឿងនេះ ក្រោយពេលច្បាប់ត្រូវបានបន្ធូរ យ៉ាងណាក្ដី រឿងអាស្រូវបោះបង់ចោលកូនរបស់ តារាកើតឆ្នាំ ១៩៩១ ផ្ទុះឡើង ធ្វើឲ្យរឿងនេះមិនអាចចាក់ផ្សាយជារៀងរហូត ធ្វើឲ្យក្រុមហ៊ុនមួយនេះខាតជាទម្ងន់ ទើបទារ Zheng Shuang សងថ្លៃជំងឺចិត្តខាងលើ យ៉ាងណាក្ដី អ្នកក្នុងសិល្បៈបានឲ្យដឹងថា អ្នកម្ដាយកូន២ពេលនេះគ្មានលទ្ធភាពសងចំនួនទឹកប្រាក់នេះឡើយ។ មុននោះដែរ ផលិតកម្មផលិតរឿងនេះ ត្រូវលុបចោលការបង្ហោះទាំងអស់ដែលពាក់ព័ន្ធនឹងរឿងរបស់ខ្លួនលើបណ្ដាញសង្គមរបស់មានពាក់ព័ន្ធនឹងសិល្បការិនីរូបនេះ។

បើតាមបណ្ដាញព័ត៌មានក្នុងស្រុក ប្រសិនជាចាំ រឿងនេះអាចនឹងមានលទ្ធភាពចាក់ផ្សាយនៅឆ្នាំ ២០៣០ ពោលគឺ១៤ឆ្នាំក្រោយពេលថតរួច៕