ប្រធានាធិបតីអ៊ីរ៉ង់ លោក Ebrahim Raisi បាន​ពិភាក្សា​តាមទូរសព្ទ​ជាមួយ​ប្រធានាធិបតីចិន និងរុស្ស៊ី អំពីបញ្ហា​នៅ​អាហ្វហ្គានីស្ថាន កាលពីថ្ងៃទី១៨ ខែសីហា ឆ្នាំ២០២១ ពោលគឺ​ពីរបីថ្ងៃប៉ុណ្ណោះ ក្រោយក្រុម​តាលីបង់ បាន​កាន់កាប់​ប្រទេសអាហ្វហ្គានីស្ថាន​ទាំងស្រុង។

លោក Raisi បានប្រាប់​លោក ស៊ី ជិនពីង ថាអ៊ីរ៉ង់ ត្រៀមខ្លួនសហការ​ជាមួយចិន ដើម្បី​បង្កើត​សន្តិសុខ ស្ថិរភាព និង​សន្តិភាព ក្នុងប្រទេស​អាហ្វហ្គានីស្ថា និង​ជួយដល់​ការអភិវឌ្ឍរបស់​ប្រទេសនេះផងដែរ។

ចំណែក​ក្នុងកិច្ចពិភាក្សា​ជាមួយលោក វ្លាឌីមៀ ពូទីនវិញ លោក Raisi បាន​និយាយថា «យើងជឿជាក់​ថា ភាគី​អាហ្វហ្គានីស្ថានទាំង​អស់​ គួរ​តែធ្វើការ​រួមគ្នា ហើយ​ប្រែក្លាយពីការដកកងទ័ពអាមេរិក ទៅជារឿងដ៏ល្អមួយសម្រាប់​សន្តិភាព និងស្ថិរភាព​យូរអង្វែង​ក្នុងប្រទេស​អាហ្វហ្គានីស្ថាន»៕