របបតាលីបង់ បាន​កំណត់​ឱ្យកងទ័ពអាមេរិក និងអង់គ្លេស ដកទ័ពឱ្យអស់​ចេញពីអាហ្វហ្គានីស្ថាន ត្រឹមថ្ងៃទី៣១ ខែសីហា ឆ្នាំ​២០២១។

លោក Suhail Shaheen អ្នកនាំពាក្យ​ក្រុមតាលីបង់ បាន​ព្រមាន​ពីផលវិបាក​ដែលនឹង​កើតមានឡើង ប្រសិនបើ​លោក​ខាងលិចបន្តអូសបន្លាយ​ពេល​ដកទ័ពចេញ។

លោក​និយាយដូច្នេះថា៖ «វា​ជាខ្សែបន្ទាត់ក្រហម។ ប្រធានាធិបតីបៃដិន ប្រកាស​ថា នៅថ្ងៃទី៣១សីហា ពួកគេ​នឹងដកទ័ពចេញទាំងអស់។ ដូច្នេះ​ប្រសិនបើពួកគេពន្យារពេល មានន័យថា ពួកគេ​ពន្យារពេល​ការគ្រប់គ្រង ក្នុងពេល​ដែលគ្មាន​ការចាំបាច់អ្វីទាល់តែសោះ។ ប្រសិន​បើអាមេរិក ឬអង់គ្លេស បន្ថែមពេល​គ្រប់គ្រង ចម្លើយនោះគឺ ទេ។ បើមិនដូច្នោះ នឹង​មានបច្ច័យអាក្រក់កើតឡើង»៕