ប្រធានាធិបតី​អាមេរិក លោក ចូ បៃឌិន ហេតុការណ៍បំផ្ទុះគ្រាប់បែកអត្តឃាតនៅព្រលានយន្តហោះក្រុងកាប៊ុល ប្រទេសអាហ្វហ្គានីស្ថាន ដែល​ធ្វើឱ្យទាហានអាមេរិក ១៣នាក់ស្លាប់ កាលពីថ្ងៃទី២៦ ខែសីហា ឆ្នាំ២០២១ គឺ​បង្កឡើង​ដោយ​ក្រុម ISIS ពោលគឺ​មិនពាក់ព័ន្ធនឹង​របប​គ្រប់គ្រងតាលីបង់នោះទេ។

ចំពោះការស្លាប់​ទាហាន​អាមេរិក ក្នុងឧបទ្ទវហេតុនេះ លោក បៃឌិន ព្រមានសងសឹកដល់ទីបញ្ចប់ ហើយត្រូវឱ្យក្រុមបង្កហេតុ​ សងអ្វីៗទាំងអស់​មកអាមេរិកវិញ។

ជាមួយគ្នានេះ លោកប្រធានាធិបតី ក៏បានបញ្ជាឱ្យរៀបចំ​ផែនការវាយប្រហារទៅលើ​ទីតាំង​របស់​ក្រុម ISIS ផងដែរ។

«យើងនឹងប្រើកម្លាំងឆ្លើយតបវិញ តាមពេល​កំណត់ និងទីកន្លែង​ដែលយើងជ្រើសរើស។ ក្រុមភេរវក ISIS នឹង​មិនអាច​ឈ្នះឡើយ។ យើងនឹង​សង្គ្រោះ​ប្រជាជន​អាមេរិក យើងនឹង​យកសម្ព័ន្ធមិត្តជនជាតិ​អាហ្វហ្គានីស្ថាន​ចេញ ហើយ​បេសកកម្មរបស់យើង នឹងបន្តធ្វើឡើង។ អាមេរិក នឹងមិនត្រូវគេគំរាមឡើយ»។

គួរដឹងថា ក្នុងប៉ុន្មានឆ្នាំ​ចុងក្រោយនេះ ក្រុម ISIS បាន​បើកការ​វាយប្រហារ​ទៅលើគោលដៅ​ជនស៊ីវិល​ជាច្រើនលើក ពិសេស​សំដៅលើ​ជានជាតិអាមេរិក ក្នុងប្រទេស​អាហ្វហ្គានីស្ថាន បន្ទាប់ពីអាមេរិក បានទម្លាក់គ្រាប់បែក​ទៅលើ​ទីតាំង ISIS តាំងពីឆ្នាំ២០១៧មក៕