អលង្ការ៣មុខលើខ្លួន សួស វីហ្សា នេះ តម្លៃកប់ហ្មង! ធ្វើឲ្យថមមី រកកល់គ្រុន គ្រវីក្បាលដូចគោស្រាំងទិច

2021-09-16 03:04:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាចម្រៀងស្រីរបស់ផលិតកម្មហង្សមាស សួស វីហ្សា បានធ្វើឲ្យមហាជន ជាពិសេសអ្នកគាំទ្របើកភ្នែកធំៗ លើការចំណាយលុយខ្ទង់ម៉ឺនដុល្លារដើម្បីទិញគ្រឿងតុបតែងខ្លួន បន្ទាប់ពីតារាស្រីរូបនេះឲ្យស្វាមីជូនចូលក្នុងហាងពេជ្រមួយ នៅជាយរាជធានីភ្នំពេញ។

តាមរយៈវីដេអូចំនួនបីដែលបានបង្ហាញដោយថៅកែហាងពេជ្រ ទ្រី ដាណា និងអ្នកនាងសួស វីហ្សា ផ្ទាល់កាលពីថ្ងៃទី១៥ ខែកញ្ញា ម្សិលមិញ ឲ្យដឹងថា ក្នុងថ្ងៃខួបកំណើតកូនស្រី វីហ្សា បានឲ្យស្វាមីជូនទៅទិញអលង្ការដាំពេជ្រមួយឈុត ដោយក្នុងនោះគេឃើញមានខ្សែករ ក្រវិល នាឡិកា និងកងដៃដែលគិតជាតម្លៃត្រូវបានម្ចាស់ហាងទម្លាយថា ជាង១០ម៉ឺនដុល្លារ។

ការទូទាត់លើតម្លៃនេះ សួស វីហ្សា និងស្វាមី បានប្រើប្រត្ដិការតាមរយៈធនាគារABA ចំនួន៨ម៉ឺនដុល្លារ និងបន្ថែមប្រាក់ដុល្លារសុទ្ធមួយចំនួនទៀត ដើម្បីបង្គ្រប់តម្លៃជាង១០ម៉ឺនដុល្លារ។ នេះបើតាមការបញ្ជាក់ពីម្ចាស់ហាងពេជ្រ ទ្រី ដាណា។

សួស វីហ្សា៖"គាត់ថាអីចេះ...ខួបកំណើតកូនគ្រប់១ឆ្នាំ នឹងទិញកាដូឲ្យខ្ញុំ ព្រោះដើម្បីកូនខ្ញុំបានលះបង់អស់ហើយ ហើយឲ្យជូនមកស្រាប់តែថាឈឺក្បាលវិលមុខ គ្រាន់តែក្រវិល ខ្សែក ខ្សែដៃ ហើយថែមនាឡិកានេះមួយទៀតសោះហ្នឹងណ៎ា"។

តារាចម្រៀងរូបនេះ បញ្ជាក់ថា ចង់អ្នកថាអីក៏ថាចុះ សំខាន់នាងទទួលបានរបស់ដែលខ្លួនស្រឡាញ់ ហើយវាកើតចេញពីប្រាក់ដែលជាកម្លាំងញើសឈាមរបស់គ្រួសារនាង។ បន្ទាប់ពីទិញពេជ្ររួច នៅល្ងាចមិញនេះគេឃើញសួស វីហ្សា និងស្វាមី បាននាំគ្រួសារទាំងសងខាង ព្រមទាំងបុគ្គលិកនៅក្នុងក្រុមហ៊ុនរបស់ខ្លួនឲ្យមកហូបស៊ុបជុំគ្នា ដើម្បីទុកជាការអបអរថ្ងៃខួបកំណើតកូនស្រីផង និងបង្កើនកម្លាំងចិត្តក្នុងការរកស៊ីបន្ថែមទៀតផង៕

អត្ថបទ៖ ជិន សុភ័ក្ដ្រ