មុននាំកូនទៅចាក់វ៉ាក់សាំង Sinovac ស្អែក! សូមមើលលទ្ធផល​ចាក់​លើ​កុមារ​នៅប្រទេស​ចិន​ ជាមុនសិន

  • 2021-09-16 09:01:29
  • ចំនួនមតិ 0 | ចំនួនចែករំលែក 0

ចន្លោះមិនឃើញ


ទិន្នន័យ​នៃការចាក់សាកល្បង​វ៉ាក់សាំង Sinovac ​ដំណាក់កាលទី២ លើក្មេងអាយុពី ៣ ដល់ ១៧ឆ្នាំ ក្នុងប្រទេសចិន បង្ហាញថា វា​បានបង្កើតប្រព័ន្ធការពារ​ខ្លាំងបំផុតស្ទើរតែ ១០០ភាគរយ ប្រឆាំងនឹង​ជំងឺ​កូវីដ១៩ ពោលគឺ​មានប្រសិទ្ធភាពខ្ពស់ជាង មនុស្សអាយុចាប់ពី១៨ឆ្នាំឡើងទៅទៀត។ នេះបើតាមការប្រកាស​របស់​ក្រុមហ៊ុន Sinovac កាលពីខែកក្កដាកន្លងទៅ។

ការសិក្សានេះ គឺធ្វើលើមនុស្សចំនួន១៨០នាក់។ រយៈពេល៣ខែ​បន្ទាប់ពីការចាក់វ៉ាក់សាំង ការបណ្តុះ​ប្រព័ន្ធការពារ​ ក្នុងចំណោមអ្នកអាយុពី៣ ដល់ ១៧ឆ្នាំ គឺពី ៩៨,៩ ដល់ ១០០ភាគរយ។

គួរដឹងថា វ៉ាក់សាំង Sinovac ត្រូវបាន​អនុញ្ញាតឱ្យ​ប្រើប្រាស់​បន្ទាន់​ក្នុងប្រទេសចិន កាលពីខែឧសភា សម្រាប់​ក្មេងអាយុពី ៣ ដល់ ១៧ឆ្នាំ។

លទ្ធផលនេះ នឹង​ជំរុញ​ដល់ការបន្ត​សាកល្បង​ចាក់វ៉ាក់សាំងដល់​មនុស្សវ័យក្មេងក្រោម ១៧ឆ្នាំ និង​បង្កើន​ទំនុកចិត្ត​សាធារណៈ ដើម្បី​អាចចាក់ជូនដល់ក្មេងៗឈានដល់​ភាពសុំាសហគមន៍។

សូមជម្រាបដែរថា បច្ចុប្បន្ន​ក្រុមហ៊ុន Sinovac ក៏ចាក់សាកល្បង​វ៉ាក់សាំង​លើទារកអាយុចាប់ពី ៦ខែ ដល់យុវជន ១៧ឆ្នាំ​ នៅប្រទេសមួយចំនួនដូចជា ឈីលី ហ្វីលីពីន ម៉ាឡេស៊ី កេនយ៉ា និង​អាហ្វ្រិកខាងត្បូង។ ការចាក់សាកល្បងនេះ គឺជាផ្នែកមួយ​នៃការសិក្សាសកលដំណាក់កាលទី៣ របស់ Sinovac ដែលមានអ្នកចូលរួមប្រមាណ ១៤០០០នាក់ ដើម្បីវាយតម្លៃ​ពីប្រសិទ្ធភាព ការបង្កើតប្រព័ន្ធភាពសុំា និងសុវត្ថិភាព ទៅលើទារក និងយុវវ័យ៕

ប្រភព៖ globaltimes

អត្ថបទថ្មី
;