ថៃ មិនហ៊ាន​ប្រើវ៉ាក់សាំង Sinopharm ចាក់លើកុមារអាយុចាប់ពី៣ឆ្នាំ

  • 2021-09-23 06:41:03
  • ចំនួនមតិ 0 | ចំនួនចែករំលែក 0

ចន្លោះមិនឃើញ


រដ្ឋបាល​ឱសថ និងចំណី​អាហារ​ថៃ (FDA) បានបដិសេធ​មិនយល់ព្រមអនុញ្ញាតឱ្យចាក់វ៉ាក់សាំង Sinopharm លើក្មេង​អាយុចាប់ពី ៣ឆ្នាំ ដោយសារតែខ្វះទិន្នន័យសុវត្ថិភាព និង​ប្រសិទ្ធភាព។

លោក Paisan Dankhum អគ្គលេខាធិការ​រង FDA បាននិយាយថា គណៈកម្មាធិការ FDA និង​អ្នកជំនាញ មកពី​ស្ថាប័នជាច្រើន បាន​ពិភាក្សា​អំពី​សុវត្ថិភាព និងប្រសិទ្ធភាពវ៉ាក់សាំង Sinopharm កាលពីសប្តាហ៍មុន បន្ទាប់ពី​ក្រុមហ៊ុន Biogenie Tech ដែលជា​តំណាងចែកចាយ Sinopharm ក្នុងប្រទេសថៃ បាន​ដាក់ពាក្យស្នើសុំ​ចាក់លើកុមារអាយុចាប់ពី៣ឆ្នាំ។

FDA បានជូនដំណឹង​អំពីការបដិសេធនេះ ទៅកាន់ក្រុមហ៊ុន Biogenie Tech រួចហើយ និងបាន​ស្នើសុំ​ឱ្យ​ក្រុមហ៊ុន​ផ្តល់​ព័ត៌មានបន្ថែម​ចំពោះ​សុវត្ថិភាព និងប្រសិទ្ធភាព ពីការប្រើប្រាស់វ៉ាក់សាំងនេះ​លើកុមារ​តាមប្រទេស​មួយចំនួនដូចជា ចិន អារ៉ាប់រួម និងប្រទេស​ដទៃទៀត ឱ្យបានឆាប់៕

ប្រភព៖ The Thaiger

អត្ថបទថ្មី
;