លោក ជា វិរៈ ប្រាប់គន្លឹះសំខាន់ៗក្នុងអាជីពការងារផ្នែកឱសថច្រើនជាង ១០ឆ្នាំ មុនពេលត្រឡប់មកស្រុកខ្មែរបង្កើតក្រុមហ៊ុន Pilltech ឡើង

2022-01-10 03:38:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ជា វិរៈ ជានាយកប្រតិបត្តិ Pilltech នឹងមកចូលរួមក្នុងកម្មវិធី Starting Up សម្រាប់សប្ដាហ៍ថ្មីនេះ ដែលលោកនឹងមកបង្ហាញពីបទពិសោធន៍ការងារក្នុងវិស័យសុខាភិបាល និងជីវិតរៀនសូត្រពីចាប់ផ្ដើមដំបូងរហូតទទួលបានជោគជ័យយ៉ាងត្រចះត្រចង់ដល់សព្វថ្ងៃ។ ចង់ដឹងច្បាស់បីជីវប្រវត្តរបស់លោកយ៉ាងណា ប្រិយមិត្តកុំភ្លេចរង់ចាំតាមដាននៅក្នុងកម្មវិធី Starting Up សប្ដាហ៍ទី២៥ នេះ។

លោក ជា វិរៈ បានបញ្ចប់បរិញ្ញាប័ត្រជីវវិទ្យានៅ University of California, San Diego, USA ឆ្នាំ ១៩៩៨-២០០១ និងបញ្ចប់ថ្នាក់បណ្ឌិតឯកទេសឱសថនៅ Pacific University, USA ឆ្នាំ ២០០៦-២០០៩។ ក្នុងបទពិសោធន៍ការងារផ្នែកឱសថច្រើនជាង ១០ ឆ្នាំធ្លាប់បម្រើការជាមួយយីហោឱសថធំៗដូចជា Walgreens Pharmacy សហរដ្ឋអាមេរិកជាដើម។ បទពិសោធ៍អនុវត្តផ្ទាល់ជាមួយឱសថស្ថានរាប់ពាន់កន្លែងនៅកម្ពុជាអស់ជាច្រើនឆ្នាំជាប្រធានគ្របគ្រង Eurocham Cambodia Healthcare Committee ឆ្នាំ ២០២០ នាយកប្រតិបត្តិក្រុមហ៊ុន Community Pharma បង្កើតឆ្នាំ ២០១៧

Pilltech ត្រូវបានបង្កើតឡើងនៅដើមឆ្នាំ ២០១៩ គឺជាវេទិកាបញ្ជាទិញបែបឌីជីថល បង្កើតឡើងដោយក្រុមពហុជំនាញនៃឱសថការី អ្នកអភិវឌ្ឍន៍បច្ចេកវិទ្យា និងអ្នកជំនាញអាជីវកម្ម ដើម្បីផ្តល់ពេលទំនេរបន្ថែមសម្រាប់ឱសថការី ហើយងាយស្រួលក្នុងការទិញថ្នាំដាក់នៅក្នុងឱសថស្ថានរបស់ពួកគេ។ ក្រុមហ៊ុន Pilltech បង្កើតឡើងក្នុងគោលបំណងដើម្បីដោះស្រាយបញ្ហា ដែលកំពុងជួប ប្រទះក្នុង វិស័យថែទាំសុខភាព តាមរយៈការជួបផ្ទាល់ដោយឱសថការីដូចជា ឌីជីថលនីយកម្ម ប្រភពថ្នាំ និងការគ្រប់គ្រងទៅលើការផ្គត់ផ្គង់។

Philtech ក៏អាចជួយពិគ្រោះជាមួយអ្នកជំងឺរបស់ពួកគេ ដើម្បីដោះស្រាយបញ្ហាសុខភាព និងដោះស្រាយបញ្ហាព្រួយបារម្មណ៍នៃអាជីវកម្មជាមួយដំណោះស្រាយដ៏សាមញ្ញមួយ ។ ការបញ្ជាទិញថ្នាំពី Pilltech ទទួលបានផលិផលពីប្រភពច្បាស់លាស់ និងមានគុណភាពខ្ពស់ ហើយ អ្នកបញ្ជាទិញទាល់តែជាឱសថស្ថានមានវិញ្ញាបនបត្រពីក្រសួងសុខាភិបាលត្រឹមត្រូវទើបទិញបាន។ អ្នកផ្គត់ផ្គង់ ក៏ទាល់តែពួកគេមានការទទួលស្គាល់ ពី ក្រសួងសុខាភិបាលផងដែរ ។

ដោយសារឃើញថា ប្រជាជនស្រុកយើង នៅតាមខេត្តពេលឈឺ គិតឃើញដំបូងគែគឺ រត់ទៅរកឱសថការីដូច្នេះហើយ ឱសថការីសំខាន់ណាស់ ហេតុនេះហើយ PillTech អាចជួយ ប្រជាជនយើងបាន ដោយត្រូវជួយឱសថការីជាមុនក្នុងការទិញ ផលិតផលថ្នាំពេទ្យពី ប្រភព ច្បាស់លាស់មិនក្លែងក្លាយ។ Pilltech ផ្តល់ជូនទាំងម្ចាស់ឱសថស្ថានលក់រាយ និងអ្នកចែកចាយរបស់ពួកគេ។ ផ្តល់ភាពងាយស្រួល បំផុតជូនម្ចាស់ឱសថស្ថានដែលត្រូវការបញ្ជាទិញថ្នាំ គឺគ្រាន់តែចុចទៅលើ ប៊ូតុងមួយ។ អ្នកអាចកុម្មង់ ថ្នាំដែលគាត់ធ្លាប់ទិញ ឬកុម្មង់ផលិតផលដែលឱសថស្ថាន ផ្សេងៗពេញនិយមក៏បាន។

បន្ថែមពីនោះផងដែដោយសារជំងឺរាតត្បាតនេះ ក្រុមហ៊ុនផលិតឱសថ និងអ្នកចែកចាយរបស់ ពួកគេកំពុងស្វែងរកបណ្តាញលក់តាមអ៊ីនធឺណិតដែលមានប្រសិទ្ធភាពជាងមុន ដើម្បីជួយសម្រួល ដល់ការបន្ថយចំណាយលើប្រតិបត្តិការ ខណៈពេលតែមួយ គឺនៅតែអាចផ្តល់សេវាកម្មប្រកបដោយ គុណភាពដល់ម្ចាស់ឱសថស្ថាន។ គូសបញ្ជាក់ថាលោក ជា វិរៈ បានក្លាយជាឱសថការីដ៏ឆ្នើមឈ្នះពានរង្វាន់ ធុរកិច្ចថ្មីឌីជីថលល្អបំផុតប្រចាំឆ្នាំពីកម្មវិធី Cambodia ICT Awards 2021៕

ចង់បានគន្លឹះល្អៗពីលោក ជា វិរៈ សូមទស្សនាវីដេអូពីកម្មវិធី Starting Up សប្ដាហ៍ទី២៥ ខាងក្រោម៖

អត្ថបទ៖ ម៉េងងី