លោក ទី រ៉ាឌី បង្កើតគេហទំព័រ Khmer24 ឲ្យអ្នកប្រើទទួលបានប្រយោជន៍ ជាចិត្តជំរុញឲ្យលោកកាន់តែចង់ធ្វើ

2022-01-17 03:55:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពីកម្មវិធី Starting Up សប្ដាហ៍ថ្មីប្រិយមិត្តិអាចចាប់យកគន្លឹះល្អៗពី លោក ទី រ៉ាឌី ស្ថាបនិក Khmer 24 បានបង្ហាញពីបទពិសោធន៍ក្នុងវិស័យបច្ចេកវិទ្យាជាច្រើនឆ្នាំមកហើយ បន្ទាប់ពីឈរជើងទទួលបានការគាំទ្រពីការផ្ដល់សេវាកម្មដល់អ្នកប្រើប្រាស់ជាច្រើនលាននាក់នៅកម្ពុជា។

កាលបើកគេហទំព័រ Khmer24 នៅឆ្នាំ២០០៩ សហគ្រិនរូបនេះ ជួបការលំបាកច្រើន ព្រោះវាជាការទំព័រអាជីវកម្មថ្មីសន្លាង មិនសូវទទួលបានការគាំទ្រពីគ្រួសារ និងមិត្តភក្ដិ មិនគាំទ្រ និង គ្មានដើមទុនជួលបុគ្គលិក និងអតិថិជន គួបផ្សំនឹងការប្រើប្រាស់ Internet របស់ពលរដ្ឋខ្មែរ មិនទាន់ទូលំទូលាយ។ បើទោះបានកម្រៃតិចតួចក្ដី សាស្ត្រាចារ្យផ្នែកព័ត៌មានវិទ្យា បានចំណាយខ្លួនជាដើមទុន ក្នុងស្មារតីខិតខំធ្វើការ ធ្វើយ៉ាងណាឱ្យអាជីវកម្ម Digital របស់លោក មុជទៅគោលដៅ។

មុនពេលចាប់ផ្ដើមមានគំនិតបង្កើតគេហទំព័រ Khmer24 ដំបូងលោក ទី រ៉ាឌី បានបង្កើតគេហទំព័រណាត់ជួប ដែលជាស្នាដៃលើកទី១ និងលើកទី២គឺ គេហទំព័រការងារ (សាកល្បងចំនួន៣ដងនៅតែបរាជ័យ)។ បន្ទាប់ពីមិនទទួលបានលទ្ធផលល្អជាច្រើនលើកលោក ទី រ៉ាឌី ចាប់ផ្ដើជោគជ័យលើការការបង្កើតគេហទំព័រ Khmer24 ក្នុងមួយខែមានអ្នកទិញនិងលក់ទំនិញជិត ១លាននាក់។

Khmer 24 ជាក្រុមហ៊ុន e-commerce មួយដែលមិនទាន់មានការបណ្ដាក់ទុនពីខាងក្រៅ (No Out Source) ត្រូវបានបង្កើតឡើងនៅឆ្នាំ២០០៩។ ដោយមានជំនាញផ្នែកព័ត៌មានវិទ្យា លោក ទី រ៉ាឌី ចាយដើមទុនត្រឹមតែ ៥០ដុល្លារប៉ុណ្ណោះ ហើយបច្ចុប្បន្នអាជីវកម្មរបស់លោក កំពុងស្រូបបានអតិថិជនគួរឱ្យគត់សម្គាល់។

បច្ចុប្បន្នក្នុងមួយថ្ងៃគេហទំព័រនេះ មានអ្នកចូលទស្សនា ៦ម៉ឺននាក់ ដាច់ស្រឡះបើធៀបនឹងកាលបើក ២០០៩ មានតែ៥០នាក់ប៉ុណ្ណោះ និងចំណូលដំបូងៗ ប្រមាណ១០០ដុល្លារ ដោយចំណាយថ្លៃដើមស្ទើរតែទាំងអស់ ផ្សាយពាណិជ្ជកម្មតាមកាសែត និងទុក២០ដុល្លារសម្រាប់ចាយវាយខ្លួនឯង។ មុនចាប់ផ្ដើមបង្កើតគេហទំព័រ Khmer24 លោក ទី រ៉ាឌី ធ្លាប់ធ្វើជាសាស្ត្រាចារ្យសាកលវិទ្យាល័យផ្នែកពត៌មានវិទ្យា៕ សូមទស្សនាវីដេអូកិច្ចសម្ភាសន៍ក្នុងកម្មវិធី Strating Up ខាងក្រោម៖

អត្ថបទ៖ ម៉េងងី