កំពង់ផែទេសចរណ៍ កែប-កោះទន្សាយ បានបើកសម្ពោធជាផ្លូវការនៅថ្ងៃទី១៩ ខែមករា ឆ្នាំ២០២២នេះហើយ។ ពិធីសម្ពោធបើកឱ្យប្រើប្រាស់ផ្លូវការកំពង់ផែទេសចរណ៍កែប-កោះទន្សាយ ស្ថិតក្នុងក្រុងកែប ខេត្តកែបក្រោយអធិបតីភាពរដ្ឋមន្ត្រីក្រសួងសាធារណៈការ និងដឹកជញ្ជូន លោក ស៊ុន ចាន់ថុល។

កំពង់ផែទេសចរណ៍ កែប-កោះទន្សាយ នេះត្រូវបានចាប់ផ្តើមសាងសង់ក្នុងខែធ្នូ ឆ្នាំ ២០១៩ និងបញ្ចប់នៅចុងខែធ្នូ ឆ្នាំ ២០២១ ក្នុងតម្លៃប្រមាណ ១,២ លានដុល្លារ។ កំពងផែនេះសង់ចេញពីដីគោកទៅក្នុងទឹកជម្រៅ ៣០៦ ម៉ែត្រ ទទឹង ៦៨ ម៉ែត្រ និងផ្ទៃក្រឡាជិត ៥ ពាន់ម៉ែត្រការ៉េ។

កំពង់ផែនេះជាផ្នែកមួយនៃសម្រាប់ការទាក់ទាញភ្ញៀវទេសចរមកទស្សនានៅខេត្តកែប និងកោះទន្សាយឲ្យកាន់តែច្រើនក្រោយការបើកប្រទេសឡើងវិញ៕