ផ្លូវជាតិលេខ៤​ នឹងត្រូវជួសជុលពង្រីកទទឹងឲ្យធំជាងមុន៣ម៉ែត្រ ពី ៧ម៉ែត្រ ទៅ១០ម៉ែត្រ និងពង្រីកស្ពានបេតុង និងលូចំនួន៤៦ ទីតាំង កសាងស្ពានថ្មី ៨ទីតាំង ដើម្បីធានាដល់ការធ្វើចរាចរណ៍គ្រប់រដូវកាល ដែលឆ្នាំខ្លះត្រូវទឹកជំនន់លិច។ នេះបើតាមសេចក្តីជូនដំណឹងរបស់ក្រសួងសាធារណការ និងដឹកជញ្ជូន ប្រកាសចេញផ្សាយលើកផេកហ្វេសបុកផ្លូវការរបសក្រសួងព្រឹកថ្ងៃទី៩ មីនា ឆ្នាំ២០២២នេះ។

ក្នុងសេចក្តីប្រកាសខាងលើក៏បានបញ្ជាក់ពីរយ:ពេលនៃការងារស្ថាបនាពង្រីក និងជួសជុលថែទាំផ្លូវជាតិលេខ៤នេះគឺចាប់ផ្តើមពីខែ​ធ្នូ ឆ្នាំ២០២១ រហូតដល់ខែធ្នូ ឆ្នាំ២០២៦។ ទីតាំងជួសជុលពង្រីកនេះគឺចាប់ពីឃុំបែកចាន ខេត្តកណ្តាល ដល់ ស្រុកព្រៃនប់ ខេត្តព្រះសីហនុ។ ថវិកាសម្រាប់ស្ថាបនាពង្រីក និងជួសជុលថែទាំនេះគឺជាប្រាក់កម្ចីសម្បទានពីធនាគារពិភពលោក៕