Griezmann ទម្លាយថា ខ្លួនទំនងជាផ្ទេរទៅ Man Utd ប្រហែល ៦០%

2017-05-23 06:11:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Antoine Griezmann បានបង្ហើបនៅក្នុងកម្មវិធីទូរទស្សន៍បារាំងមួយ កាលពីយប់មិញថា បើគិតជាមធ្យមភាគ រូបគេហ៊ានឲ្យ ៦ លើ ១០ សម្រាប់ការផ្ទេរទៅកាន់ក្រុម Manchester United របស់គេ ខណៈខ្លួននឹងសម្រេចពីអនាគតជាមួយក្លឹប នៅក្នុងរយៈពេល ២សប្ដាហ៍ទៀត។

Griezmann ឆ្លើយសំណួរនៅក្នុងកម្មវិធីទូរទស្សន៍បារាំង

ក្នុងកម្មវិធី Quotidien របស់បារាំង ខ្សែប្រយុទ្ធរបស់ក្លឹប Atletico Madrid រូបនេះ បានឆ្លើយថា៖ «វាអាចទៅរួច។ ខ្ញុំហ៊ានឲ្យ ៦ លើ ១០» បន្ទាប់ពីពិធីករសួរអំពីគោលដៅរបស់គេនៅក្នុងការសម្រេចចិត្តផ្ទេរទៅកាន់ក្រុមបិសាចក្រហម Man Utd។ ទន្ទឹមនេះដែរ សំណួរទាក់ទងនឹងការបន្តស្នាក់នៅជាមួយក្លឹប At. Madrid ក៏ត្រូវបានសួរផងដែរ ខណៈសាមីខ្លួនបានបញ្ជាក់ថា ឱកាសដែលគេស្នាក់នៅបន្ត គឺ ៧ លើ ១០។

កាលពីដើមខែឧសភាកន្លងទៅ សារព័ត៌មាន Sportsmail បានអះអាងថា តម្លៃខ្លួនរបស់តារាឆ្នើមសញ្ជាតិបារាំងរូបនេះ អាចឡើងដល់ ១៥៥ លានផោន គិតទាំងប្រាក់ឈ្នួលប្រចាំសប្ដាហ៍របស់គេ ក្នុងកិច្ចសន្យារយៈពេល ៥ ឆ្នាំ៕