LDP នឹងហែក្បួនឃោសនាទ្រង់ទ្រាយធំ នៅ ៣ខេត្តផ្សេងគ្នា

2017-05-25 09:17:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណបក្សសម្ព័ន្ធដើម្បីប្រជាធិបតេយ្យ (LDP) នឹងរៀបចំវេទិកា និងការហែក្បួនឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ២០១៧ ចំនួន ៣កន្លែង។ នេះបើយោងតាមសេចក្ដីជូនដំណឹងរបស់គណបក្សនេះ។ ទីតាំងទាំង ៣កន្លែងនោះ រួមមាន៖

ថ្ងៃទី២៦ ខែឧសភា វេលាម៉ោង ៨:៣០នាទីព្រឹក នៅតារាងបាល់ទាត់ក្រុងតាខ្មៅ ខេត្តកណ្ដាល ដោយមានអ្នកចូលរួមប្រមាណ ២០០០នាក់។
ថ្ងៃទី២៨ ខែឧសភា វេលាម៉ោង ៧:៣០នាទីព្រឹក នៅក្នុងដីឡូត៍ តាមបណ្ដោយផ្លូវជាតិលេខ៦ ក្នុងភូមិគោកត្នោត ឃុំកណ្ដែក ស្រុកប្រាសាទបាគង ខេត្តសៀមរាប។ អ្នកចូលរួមគឺមានប្រមាណ ៥០០០នាក់។
ថ្ងៃទី២ ខែមិថុនា ម៉ោង ៨ព្រឹក នៅទីលានបាល់ទាត់វាលបែកចាន សង្កាត់រតនៈ ក្រុងបាត់ដំបង ខេត្តបាត់ដំបង ដោយមានអ្នកចូលរួមប្រមាណ ១ម៉ឺននាក់។

សេចក្ដីជូនដំណឹងដដែលក៏បានបញ្ជាក់ដែរថា លោកខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ នឹងចូលរួមក្នុងកម្មវិធីហែក្បួនទាំង ៣ ខាងលើ៕