លោកខឹម វាសនា ដឹកនាំអ្នកគាំទ្រជាង ១ម៉ឺននាក់ ហែក្បួនឃោសនានៅខេត្តបាត់ដំបង

2017-06-02 09:47:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅរសៀលថ្ងៃទី២ ខែមិថុនានេះ លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ បានដឹកនាំសមាជិក សមាជិកា សកម្មជន និងអ្នកគាំទ្រ ប្រមាណជាង ១ម៉ឺននាក់ ធ្វើយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ នៅវាលបែកចាន ទីលានបាល់ទាត់ខេត្តបាត់ដំបង។

លោកចិន ថុន អគ្គលេខាធិការគណបក្សសម្ព័ន្ធដើម្បីប្រជាធិបតេយ្យ បានប្រាប់ខ្លីៗ នៅរសៀលថ្ងៃទី២ ខែមិថុនា នេះថា នៅក្នុងយុទ្ធនាការឃោសនាបោះឆ្នោតក្រុមប្រឹក្សាឃុំ សង្កាត់ពី ចាប់ពីថ្ងៃទី២០ ខែឧសភា ដល់ថ្ងៃទី២ ខែមិថុនា គឺមានការជួបបញ្ហាមួយចំនួន ដូចជា អាជ្ញាធររារាំងការហែក្បួន និងពេលចាក់ស្លាយ តែមិនមែនជាបញ្ហាធំដុំទេ គឺសម្របសម្រួលគ្នា មិនឈានដល់ការប្ដឹងនោះទេ។

លោកបានបញ្ជាក់ថា ចំពោះការចំណាយសម្រាប់ការឃោសនាបោះឆ្នោតក្រុមប្រឹក្សាឃុំ សង្កាត់ រយៈពេល ១៤ថ្ងៃ គឺប្រមាណជា ៥០ម៉ឺនដុល្លារ។ លោកថា គណបក្សសម្ព័ន្ធដើម្បីប្រជាធិបតេយ្យ មិនបានទិញម៉ោងទូរទស្សន៍នោះទេ តែមានផ្សាយតាមវិទ្យុ ដោយចំណាយប្រមាណជា ១ម៉ឺនដុល្លារ ហើយថវិកា គឺបានមកពីការចូលរួមរបស់ប្រជាពលរដ្ឋ និងសមាជិកគណបក្ស ទៅតាមលទ្ធភាព៕