Floyd ប្រកាសថ្ងៃឡើងសង្វៀនជាថ្មី ប៉ះ McGregor

2017-06-15 01:36:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតម្ចាស់ខ្សែក្រវាត់ពិភពលោក Floyd Mayweather នឹងឡើងរេញប្រកួតទល់នឹងជើងឯក UFC គឺកីឡាករ Conor McGregor នៅក្នុងប្រភេទទម្ងន់កណ្ដាលស្រាល (Light Middleweight) នៅទីក្រុង Las Vegas សហរដ្ឋអាមេរិក នៅថ្ងៃទី២៦ ខែសីហា ឆ្នាំ២០១៧។

អ្នកប្រដាល់សញ្ជាតិអាមេរិក Floyd បានបង្ហោះវីដេអូនៅលើបណ្ដាញសង្គម Twitter ដើម្បីបញ្ជាក់ពីការប្រកួតជាផ្លូវការមួយនេះ។ ចំណែកភាគីម្ខាងទៀតក៏បានធ្វើការបញ្ជាក់ពីការប្រកួតនេះផងដែរ។

យោងតាមសេចក្ដីរាយការណ៍ បានឲ្យដឹងថា Floyd Mayweather អាយុ ៤០ឆ្នាំ និង Conor McGregor អាយុ ២៨ឆ្នាំ នឹងទទួលបានម្នាក់ ១០០ លានដុល្លារ ពីការជួបគ្នានេះ ដែលធ្វើឲ្យវាក្លាយជាការតតាំងលើរេញដែលមានតម្លៃថ្លៃបំផុតនៅក្នុងប្រវត្តិសាស្ត្រ។

Floyd ជាម្ចាស់កំណត់ត្រា ដែលមិនធ្លាប់ស្គាល់ពាក្យថាចាញ់ឡើយ ពោលគឺប្រកួត ៤៩លើក ឈ្នះទាំង ៤៩លើក។ កាលពីឆ្នាំ ២០១៥ រូបគេបានប្រកាសចូលនិវត្តន៍។ ដោយឡែក McGregor ជាកីឡាករមកពីសង្វៀន MMA ដែលបានប្រកាសចង់វ៉ៃជាមួយ Floyd កាលពីខែវិច្ឆិកា ឆ្នាំ២០១៦៕

ប្រភព៖ BBC ប្រែសម្រួល៖ លាភ.