មនុស្សយន្តប្លែកៗ ត្រូវដាក់តាំងក្នុងវត្តនៅថៃ

2017-06-20 07:13:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មនុស្សយន្ត Superhero ដែលភាគច្រើនមាននៅក្នុងរឿងល្បីៗរបស់អាមេរិក ត្រូវបានព្រះសង្ឃថៃផ្ដួចផ្ដើមគំនិតក្នុងការបង្កើតឡើង និងដាក់តាំងបង្ហាញនៅក្នុងវត្តអារាម សម្រាប់ឲ្យក្មេងៗលេងកម្សាន្ត។

មនុស្សយន្តទាំងនោះ ធ្វើឡើងពីកម្ទេចកំទីដែកដែលត្រូវបានបោះបង់ចោល ដោយត្រូវបានលាបពណ៌ផ្សេងៗ។ ព្រះតេជគុណ Pra Vichien នៅវត្ត Ta Kien ដែលស្ថិតនៅជាយក្រុងបាងកក មានសង្ឃដីកាថា រូបមនុស្សយន្តទាំងអស់ មិនមានទាក់ទងនឹងគោលបំណងណាមួយរបស់សាសនាឡើយ។ ផ្ទុយទៅវិញ ពួកវាត្រូវបានផលិតឡើងដើម្បីកំដរក្មេងៗ តែប៉ុណ្ណោះ។ យ៉ាងហោចណាស់ មានវត្តអារាម ចំនួន ៤ បានធ្វើយ៉ាងដូច្នេះ។

លោក Pairoj Thanomwong ដែលបើកអាជីវកម្មខាងធ្វើមនុស្សយន្តពីដែកចាស់ៗ បានឲ្យដឹងថា មនុស្សយន្តធំៗ អាចលក់បានក្នុងតម្លៃរាប់ពាន់ដុល្លារ ហើយក្រុមហ៊ុនលោកធ្លាប់លក់ឲ្យអតិថិជនជាច្រើនរូប មានទាំងជនបរទេសមកពីទ្វីបអឺរ៉ុបផងដែរ។ លោកបញ្ជាក់ថា បច្ចុប្បន្នអតិថិជនភាគច្រើនចូលចិត្តមនុស្សយន្តប្រភេទក្នុងរឿង Transformers ៕