កូរ៉េខាងជើង បដិសេធសំណើរបស់កូរ៉េខាងត្បូង ដើម្បីបង្កើតក្រុមកូរ៉េតែមួយ

2017-06-26 22:49:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ត្រីជាន់ខ្ពស់ផ្នែកកីឡារបស់កូរ៉េខាងជើង បានច្រានចោលសំណើរបស់លោកប្រធានាធិបតីកូរ៉េខាងជើង Moon Jae-in ក្នុងការរួមគ្នាបង្កើតជាក្រុមតែមួយសម្រាប់ប្រទេសទាំងពីរ ក្នុងព្រឹត្តិការណ៍កីឡាអូឡាំពិករដូវរងា ឆ្នាំ២០១៨ នៅតំបន់ Pyeongchange ខេត្ត Gangwon ប្រទេសកូរ៉េខាងត្បូង។

ក្នុងពិធីបើកការប្រកួតជើងឯកតេក្វាន់ដូពិភពលោក នៅកូរ៉េខាងត្បូងកាលពីថ្ងៃសៅរ៍កន្លងទៅ លោក Moon បានស្នើឲ្យប្រទេសទាំងពីររួបរួមគ្នា ដើម្បីបង្កើតជាក្រុមអត្តពលិកតែមួយ បន្ទាប់ពីប្រទេសទាំងពីរធ្លាប់ធ្វើដូច្នេះ កាលពីឆ្នាំ១៩៩១ ក្នុងព្រឹត្តិការណ៍ជើងឯកកីឡាវាយកូនបាល់ពិភពលោក។

ទោះជាយ៉ាងណា លោក Chang Ung សមាជិកក្រុមប្រឹក្សាអូឡាំពិកអន្តរជាតិ មកពីកូរ៉េខាងជើង បានលើកឡើងថា បញ្ហានេះគឺមិនអាចទៅរួចនោះទេ ខណៈបរិយាកាសនយោបាយរវាងប្រទេសទាំងពីរ កំពុងមានភាពតានតឹង។

លោក Moon ដែលឡើងកាន់តំណែងកាលពីថ្ងៃទី១០ ខែឧសភា ឆ្នាំ២០១៧ បានចាត់ទុកការចរចាជាមធ្យោបាយមួយដ៏សំខាន់ ដើម្បីបន្ធូរបន្ថយភាពតានតឹងក្នុងឧបទ្វីបកូរ៉េ៕

ប្រភព៖ Channelnewsasia ប្រែសម្រួល៖ លាភ.