របាយការណ៍ស្រាវជ្រាវ៖ អ្នកមិនទៅបោះឆ្នោត ៣៦% ប្រាប់មូលហេតុថាខ្ជិល
- 2017-06-27 02:44:00
- ចំនួនមតិ 0 | ចំនួនចែករំលែក 0
របាយការណ៍ស្រាវជ្រាវ៖ អ្នកមិនទៅបោះឆ្នោត ៣៦% ប្រាប់មូលហេតុថាខ្ជិល
ចន្លោះមិនឃើញ
មួយថ្ងៃក្រោយថ្ងៃបោះឆ្នោតក្រុមប្រឹក្សាឃុំសង្កាត់ អាណត្តិទី៤ ថ្ងៃទី៤ ខែមិថុនា ឆ្នាំ២០១៧ អង្គការខុមហ្វ្រែលបានធ្វើការសិក្សាស្រាវជ្រាវមួយ ដើម្បីរកមូលហេតុនៃអ្នកដែលមិនទៅបោះឆ្នោត។ អង្គការនេះ បានសម្ភាសពលរដ្ឋ ៧៥៧នាក់ ក្នុងឃុំសង្កាត់ចំនួន ១៧៧ ក្នុងរាជធានី-ខេត្តទាំង ២៥។
ជាលទ្ធផលបានបង្ហាញថា ពលរដ្ឋ ៤៨% ក្នុងចំណោមនោះ បានទៅដល់ការិយាល័យបោះឆ្នោតដែរ តែត្រូវជួបឧបសគ្គ ដូចជាគ្មានឯកសារបញ្ជាក់អត្តសញ្ញាណ គ្មានបណ្ណព័ត៌មានពិបាករកលេខការិយាល័យ រកឈ្មោះ ការិយាល័យមានភាពរញ៉េរញ៉ៃ និងខុសទិន្នន័យ។ ចំណែក ៥២% ទៀត មិនបានទៅការិយាល័យបោះឆ្នោតនោះទេ។
អ្នកដែលមិនទៅបោះឆ្នោត ក៏មាន២ករណីដែរ គឺទី១ ចិត្តចង់ទៅដែរ តែមិនអាច ដោយសារមិនបានចុះឈ្មោះបោះឆ្នោត (មិនបានទទួលព័ត៌មាន) ដោយសារកន្លែងធ្វើការ ឬថៅកែមិនឲ្យសម្រាក និងដោយសារទីតាំងនៅឆ្ងាយជាដើម។ ចំណែក ករណីមួយទៀត គឺ មិនចង់ទៅបោះឆ្នោតតែម្ដង។ ក្នុងចំណោមអ្នកមិនចង់បោះឆ្នោតទាំងនោះ គឺមានមូលហេតុធំៗ ៣ គឺ៖
៣៦% មិនទៅបោះឆ្នោតព្រោះខ្ជិល
៣៦% មិនទៅបោះឆ្នោត ព្រោះជាប់រវល់ការងារ និងកិច្ចការផ្ទះ
២៨% មិនទៅបោះឆ្នោត ព្រោះមិនចូលចិត្តគណបក្សនយោបាយ និងគិតថាបោះឆ្នោតមិនមានសារៈសំខាន់
យ៉ាងណាក្ដី របាយការណ៍ស្រាវជ្រាវនេះបានបញ្ជាក់ថា ទិន្នន័យដែលរកឃើញខាងលើ មិនបង្ហាញជាតួលេខតំណាងអ្នកមិនបានបោះឆ្នោតទូទាំងប្រទេសនោះទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
