វ៉ូវីណាមកម្ពុជា ទៅហាត់នៅវៀតណាម ត្រៀមប្រកួតជើងឯកពិភពលោក

2017-07-11 03:28:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាវ៉ូវីណាមកម្ពុជា បានបញ្ជូនអត្តពលិកចំនួន ១៣រូប អមដោយគ្រូបង្វឹកមួយរូប ទៅកាន់ប្រទេសវៀតណាម ដើម្បីហ្វឹកហាត់រយៈពេល ២០ថ្ងៃ ត្រៀមចេញទៅប្រកួតជើងឯកពិភពលោកនៅប្រទេសឥណ្ឌា។ នេះជាការឲ្យដឹងរបស់គណៈកម្មាធិការជាតិអូឡាំពិកកម្ពុជា។

លោក ទេព ជិវៈសុខុម ដែលជាគ្រូបង្វឹក និងជាអ្នកដឹកនាំកីឡាករទៅហាត់នៅប្រទេសវៀតណាមបានឲ្យដឹងថា កីឡាករ កីឡាការិនីទាំង ១៣រូបនោះ មានកីឡាករចំនួន ៨រូប និងកីឡាការិនីចំនួន ៥រូប។

លោក អ៊ុក សិទ្ធិ អគ្គនាយកកីឡា បានផ្ដាំផ្ញើថា ការចេញទៅហ្វឹកហាត់នេះគឺ ត្រូវចេះស្រឡាញ់គ្នាដូចពាក្យស្លោកខ្មែរមួយឃ្លាពោលថា "នៅផ្ទះម្ដាយទីទៃ នៅព្រៃម្ដាយតែមួយ"។ លោកបន្តជំរុញឲ្យអត្តពលិកទាំងអស់ ខិតខំហ្វឹកហាត់ដើម្បីសម្រេចជោគជ័យឲ្យបាននៅក្នុងការប្រកួតជើងឯកពិភពលោក នៅប្រទេសឥណ្ឌា ដែលនឹងធ្វើឡើងចាប់ពីថ្ងៃទី១ ដល់ ៥ ខែសីហា ឆ្នាំ២០១៧។

ដោយឡែក លោក រ័ត្ន សុខន ប្រធានសហព័ន្ធកីឡាវ៉ូវីណាមកម្ពុជា មានជំនឿថាក្នុងការប្រកួតនេះ កម្ពុជានឹងអាចដណ្ដើមបានមេដាយ ជាក់ជាពុំខាន។ គួរបញ្ជាក់ថា កីឡាករ សែន រ៉ាឌី ក៏ធ្លាប់ដណ្ដើមបានមេដាយមាសពិភពលោក ផងដែរ៕

អត្ថបទ៖ លាភ.