ក្រុម U-23 កម្ពុជា ប្រឹងប្រែងហាត់ខ្លាំង ដើម្បីប្រជែងកៅអី ១១នាក់ដំបូង

2017-07-11 07:33:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមកីឡាករបាល់ទាត់ជម្រើសជាតិកម្ពុជា អាយុក្រោម ២៣ឆ្នាំ (U-23) កំពុងប្រឹងប្រែងហ្វឹកហាត់យ៉ាងខ្លាំង ដើម្បីប្រជែងតំណែងជម្រើស ១១នាក់ដំបូងក្នុងទីលាន។ នេះបើតាមការអះអាងរបស់កីឡាករ នួន បូរី។

ខ្សែបម្រើមកពីក្លឹបអគ្គស្នងការដ្ឋាននគរបាលជាតិរូបនេះ បានឲ្យដឹងថា តាំងពីចាប់ផ្ដើមប្រមូលផ្ដុំហ្វឹកហាត់ រហូតមកដល់ពេលនេះ កីឡាករទាំងអស់ បានកើនឡើងផ្នែកកម្លាំងគ្រប់ៗគ្នា ដោយសារការហ្វឹកហាត់កន្លងមក គឺផ្ដោតសំខាន់លើបញ្ហាកម្លាំង រីឯការហ្វឹកហាត់ផ្នែកបច្ចេកទេសវិញ លោកគ្រូ Leonardo Vitorino មិនទាន់ចាប់ផ្ដើមបង្វឹកនៅឡើយទេ។

នួន បូរី (លេខ៤) អំឡុងពេលហ្វឹកហាត់ក្នុងក្រុម U23 កម្ពុជា

ក្រុម U-23 កម្ពុជា បានធ្វើការប្រមូលផ្ដុំតាំងពីថ្ងៃទី៥ ខែកក្កដា ដើម្បីត្រៀមខ្លួនធ្វើម្ចាស់ផ្ទះការប្រកួតជម្រុះពូល J នៃពានរង្វាន់ AFC U-23 Championship ដែលមានក្រុម **U-23 ជប៉ុន** , **U-23 ចិន** និង **U-23 ហ្វីលីពីន**។ ពេលវេលាប្រកួត ចាប់ផ្ដើមថ្ងៃទី១៩ ដល់ថ្ងៃទី២៣ ខែកក្កដា នៅពហុកីឡដ្ឋានជាតិ៕