ហេតុអ្វី Alves បដិសេធ Man City ទៅចូលរួមជាមួយ PSG ?

2017-07-13 02:17:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Dani Alves បានបញ្ចប់អាជីពនៅក្រុម Juventus ហើយបដិសេធ Manchester City រួចឈោងចាប់យកក្រុម PSG ដោយចុះកុងត្រារយៈពេល ២ឆ្នាំ កាលពីម្សិលមិញ។ ជាមួយការផ្ទេរនេះ រូបគេក៏បានទម្លាយពីមូលហេតុ ដែលធ្វើឲ្យការសម្រេចចិត្តយ៉ាងដូច្នេះផងដែរ។

ខ្សែការពារវ័យ ៣៤ឆ្នាំរូបនេះបញ្ជាក់ថា៖ «ខ្ញុំធ្លាប់និយាយហើយថា Premier League បានទាក់ទាញខ្ញុំខ្លាំង។ ពួកគេមានគម្រោងគួរឲ្យចាប់អារម្មណ៍ ហើយខ្ញុំធ្លាប់បានពិភាក្សាជាមួយមន្ត្រីរបស់ក្រុម Man City ដែរ។ ប៉ុន្តែ ខ្ញុំមានមិត្តភ័ក្ដិនៅទីក្រុងប៉ារីស ហើយភរិយាខ្ញុំ ស្រឡាញ់ទីក្រុងនេះ»។

កីឡាករសញ្ជាតិប្រេស៊ីលដដែលបន្ថែមថា ការផ្លាស់ទៅ Juventus ឆ្នាំមុន ជាកំហុសរបស់ខ្លួនដែលមិនបានធ្វើតាមភរិយា និងមិត្តភ័ក្ដិរបស់គេ។ ប៉ុន្តែឆ្នាំនេះ រូបគេសម្រេចចិត្តតាមគ្រួសារវិញ ដើម្បីឲ្យទាំងអស់គ្នាសប្បាយចិត្ត។

សូមបញ្ជាក់ថា Alves ទទួលបានប្រាក់ឈ្នួលប្រចាំសប្ដាហ៍ចំនួន ២៣ម៉ឺនផោន ក្នុងមួយសប្ដាហ៍ពីក្រុម PSG ៕

ប្រភព៖ BBC | Metro ប្រែសម្រួល៖ លាភ.