តារាង Top Scorers បង្ហាញថា សៀង ចន្ធា ជាខ្សែប្រយុទ្ធលេចធ្លោជាងគេ
- 2017-07-15 03:40:02
- ចំនួនមតិ 0 | ចំនួនចែករំលែក 0
តារាង Top Scorers បង្ហាញថា សៀង ចន្ធា ជាខ្សែប្រយុទ្ធលេចធ្លោជាងគេ
ចន្លោះមិនឃើញ
ក្រោយពីឆ្លងកាត់ ៣ប្រកួតកន្លងទៅ ទាំងពូល A និង B ក្នុងព្រឹត្តិការណ៍ AFF U15 Youth Championship នៅប្រទេសថៃ ខ្សែប្រយុទ្ធ សៀង ចន្ធា របស់ក្រុមបាល់ទាត់ជម្រើសជាតិអាយុក្រោម ១៥ឆ្នាំ (U15) កម្ពុជា គឺជាអ្នករកគ្រាប់បាល់បានច្រើនជាងគេចំនួន ៥គ្រាប់។
សៀង ចន្ធា ជាកីឡាករម្នាក់ ក្នុងចំណោម ២នាក់របស់ក្រុមយុវជនគោព្រៃ ដែលរកគ្រាប់បាល់ឲ្យ U15 កម្ពុជា។ រូបគេអាចស៊ុតបញ្ចូលទីបាន ៥គ្រាប់ តាមពីក្រោយដោយកីឡាករ Amiruddin Bagus Kahfi Alfikri របស់ឥណ្ឌូណេស៊ី (៣គ្រាប់) La Min Htwe របស់មីយ៉ាន់ម៉ា (៣គ្រាប់) និង Suphanat Mueanta របស់ថៃ (៣គ្រាប់)។ ចំណែក កីឡាករ U15 កម្ពុជាម្នាក់ទៀតដែលរកបាន ១គ្រាប់ គឺ រស់ ដារ៉ាពេជ្រ។ ដូច្នេះ កីឡាករទាំងពីរនាក់អាចរកបាន ៦គ្រាប់ឲ្យយុវជនគោព្រៃកម្ពុជា។
ដូចគ្នាដែរ ក្រុមដែលរកគ្រាប់បាល់ដោយកីឡាករតែពីរនាក់ មាន ឥណ្ឌូណេស៊ី និង ថៃ ប៉ុន្តែរកបាន ៤គ្រាប់ប៉ុណ្ណោះ (តិចជាងកម្ពុជា ២គ្រាប់)។ ដូច្នេះ មានន័យថា សៀង ចន្ធា ជាខ្សែប្រយុទ្ធដ៏លេចធ្លោជាងគេក្នុងការស៊ុតបញ្ចូលទី នៅក្នុងក្រុម បើធៀបនឹងយុវជន U15 របស់ក្រុមដទៃ ក្នុងព្រឹត្តិការណ៍ខាងលើ។
សម្រាប់ការប្រកួតបន្ទាប់ កម្ពុជា នឹងជួបព្រុយណេ នៅថ្ងៃទី១៦ ខែកក្កដា ឆ្នាំ២០១៧ វេលាម៉ោង ៦:៣០ នាទីល្ងាច។
តើប្រិយមិត្តយល់ថា សៀង ចន្ធា អាចរកគ្រាប់បាល់បន្ថែមដើម្បីបន្តឈរលើកំពូលតារាង Top Scorers ដែរឬទេ?
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
