កុំភ្លេច! ល្ងាចនេះ U15 កម្ពុជា ប៉ះព្រុយណេ ឯវៀតណាម ជួបម៉ាឡេស៊ី

2017-07-16 02:52:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមយុវជនកម្ពុជា នឹងត្រូវប្រកួតជាមួយក្រុមយុវជនព្រុយណេ នាវេលាម៉ោង ៦:៣០នាទីល្ងាចថ្ងៃទី១៦ ខែកក្កដា ក្នុងពានរង្វាន់ AFF U-15 Championship 2017 នៅខេត្តឈុនបុរី ប្រទេសថៃ។

U16 កម្ពុជា vs U16 ព្រុយណេ ឆ្នាំ២០១៦

កម្ពុជា កំពុងស្ថិតនៅលេខ ៣ ក្នុងពូល B មាន ៦ពិន្ទុ ចំណែកព្រុយណេ លេខ៥ មាន១ពិន្ទុ។ នេះជាការប្រកួតជើងទី៤ របស់ក្រុមទាំង២។ ប្រសិនបើកម្ពុជា ទទួលជ័យជម្នះលើព្រុយណេល្ងាចនេះ កម្ពុជា នឹងបន្តក្តីសង្ឃឹមរបស់ខ្លួនទៅកាន់វគ្គបន្ទាប់។

សូមរម្លឹកថា កាលពីឆ្នាំមុន ក្រុមកម្ពុជា បានយកឈ្នះព្រុយណេ ក្នុងលទ្ធផល ២-០ ក្នុងពានរង្វាន់ AFF U16 Championship 2016 នៅរាជធានីភ្នំពេញ។

U16 កម្ពុជា vs U16 ព្រុយណេ ឆ្នាំ២០១៦

ចំណែក ២គូទៀត នៅក្នុងពូល Bនេះ ក៏ត្រូវប្រកួតនៅថ្ងៃនេះផងដែររួមមាន ហ្វីលីពីន ជួប ទីម័រខាងកើត ម៉ោង ៤រសៀល និង វៀតណាម ត្រូវប្រកួតជាមួយម៉ាឡេស៊ី ម៉ោង ៤រសៀលដូចគ្នា៕

អត្ថបទ៖ សំភី