ក្រុម U15ថៃ នឹង​ត្រូវ​ប្រកួត​ជាមួយ U15 វៀតណាម នៅវគ្គ​ផ្តាច់ព្រ័ត្រ​នៃ​ពានរង្វាន់ AFF U15 Championship 2017 នៅខេត្ត​ឈុនបុរី ប្រទេស​ថៃ។ ការ​ប្រកួត​នេះ នឹង​ធ្វើឡើង​នៅថ្ងៃទី​២២ កក្កដា​ស្អែកនេះ។

ក្រុម​ម្ចាស់ផ្ទះ​ថៃ បាន​ឡើង​មកកាន់​វគ្គផ្តាច់ព្រ័ត្រ​នេះ បន្ទាប់ពី​យក​ឈ្នះ​ម៉ាឡេស៊ី ទាំង​លំបាក ក្នុង​លទ្ធផល ១-០ នៅ​វគ្គ​ពាក់​កណ្តាល​ផ្តាច់ព្រ័ត្រ។ ចំណែក​វៀតណាម បាន​បំបាក់​អូស្ត្រាលី ក្នុង​លទ្ធផល ២-០ កាលពី​ថ្ងៃទី២០​កក្កដា ម្សិលមិញ។

ចំណែក ១​គូទៀត គឺ​ម៉ាឡេស៊ី នឹងត្រូវ​ប្រកួត​ជាមួយ អូស្ត្រាលី នៅថ្ងៃស្អែក​នេះ​ផងដែរ ដើម្បី​ប្រជែង​យក​ចំណាត់​ថ្នាក់ទី៣៕