លោក ញឹក ប៊ុនឆៃ នឹងត្រូវបញ្ជូនទៅតុលាការ នៅថ្ងៃនេះ

2017-08-05 03:33:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកនាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានប្រាប់ខ្លីៗ មុននេះបន្តិចថា សមត្ថកិច្ចនឹងបញ្ជូនខ្លួនលោក ញឹក ប៊ុនឆៃ ទៅតុលាការនៅថ្ងៃទី០៥ ខែសីហានេះ ប៉ុន្តែមិនទាន់ដឹងថា ត្រូវបញ្ជូនទៅនៅម៉ោងប៉ុន្មានទេ។

លោកបានបញ្ជាក់ថា ខាងសមត្ថកិច្ចកំពុងតែខិតខំបំពេញអ្វីដែលតុលាការបានផ្តល់មកអោយបំពេញក្នុងកិច្ចការងារស្រាវជ្រាវ ហើយឥឡូវយើងកំពុងខិតខំបំពេញឯកសារទាំងអស់ដែលព្រះរាជអាជ្ញាបង្គាប់អោយស្រាវជ្រាវ។ នៅថ្ងៃនេះ យើងនឹងបូកសរុបរបាយការណ៍បញ្ជូនអោយតុលាការ ក្រោយឯកសារត្រូវបានស្រាវជ្រាវរួចរាល់។

ទាក់ទងការចុះឆែកឆេរផ្ទះលោក ញឹក ប៊ុនឆៃ លោក ជួន សុវណ្ណ មិនធ្វើអត្ថាធិប្បាយទេ ដោយវាកំពុងស្ថិតនៅចំណាត់ការរបស់ព្រះរាជអាជ្ញា៕

អត្ថបទ៖ សោភា