លោក ផៃ ស៊ីផាន ថា "បាក់ធ្មេញ គល់ឫស្សី ឬមឈូស" ជាភាសាសាមញ្ញ

2017-08-09 13:19:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ផៃ ស៊ីផាន មន្ត្រីជាន់ខ្ពស់ និងជាអ្នកនាំពាក្យរដ្ឋាភិបាលបានលើកឡើងថា ការប្រើពាក្យពេចន៍ "បាក់ធ្មេញ" “គល់ឫស្សី" ឬ “មឈូស" ដោយឥស្សរជនខ្មែរ គឺគ្រាន់តែជាការរម្លឹក កុំឲ្យមានការប្រព្រឹត្តល្មើសប៉ុណ្ណោះ ហើយមិនមែនជាការបំភិតបំភ័យឡើយ។

លោក ផៃ ស៊ីផាន បានលើកឡើងថា ប្រព័ន្ធផ្សព្វផ្សាយ និងបណ្ដាញសង្គម រួមទាំងអ្នកវិភាគមួយចំនួន បាននិងកំពុងព្យាយាមបំភ្លៃន័យដើម នៃសម្ដីដ៏សាមញ្ញរបស់ថ្នាក់ដឹកនាំ រដ្ឋាភិបាលកម្ពុជា ដើម្បីបង្កើតឲ្យមានស្ថានការណ៍អាក្រក់ ដែលអាចចាត់ទុកថា ជាយុទ្ធនាការធ្វើឲ្យមតិសាធារណៈ ជាតិនិងអន្តរជាតិ មើលមកកម្ពុជាក្នុងផ្លូវអាក្រក់។

អ្នកនាំពាក្យរដ្ឋាភិបាល បានបកស្រាយថា ពាក្យទាំងនេះជាពាក្យសាមញ្ញ ក្នុងកិច្ចព្រមាន ឬ រម្លឹកឲ្យដឹងជាមុន ដើម្បីបញ្ចៀសការប្រព្រឹត្តល្មើស ដែលស្មើនឹងពាក្យអង់គ្លេស "Warning” ។

ការបកស្រាយរបស់លោក ផៃ ស៊ីផាន ធ្វើឡើងបន្ទាប់ពីមានការលើកឡើងរបស់លោក វង សូត រដ្ឋមន្ត្រីក្រសួងសង្គមកិច្ច ដែលថា អ្នកដែលមិនទទួលស្គាល់លទ្ធផលបោះឆ្នោត នៅឆ្នាំ២០១៨ នឹងត្រូវក្បាលនឹងគល់ឫស្សី និងសាររបស់សម្ដេច ហ៊ុន សែន ឲ្យត្រៀមមឈូស សម្រាប់ដាក់អ្នកតវ៉ា ព្រមទាំងការព្រមានរបស់លោក ទៀ បាញ់ ដែលថា នឹងវាយបាក់ធ្មេញចំពោះក្រុមអ្នកតវ៉ា ប្រឆាំងលទ្ធផលបោះឆ្នោត៕

ប្រភព៖ Vayo Fm ប្រែសម្រួល៖ លាភ.