លោក ញឹក ប៊ុនឆៃ សារភាពកំហុស ដែលប្រព្រឹត្តមិនគប្បីចំពោះសម្តេច ហ៊ុន សែន

2017-08-17 03:07:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ញឹក ប៊ុនឆៃ ប្រធានគណបក្សខ្មែររួបរួមជាតិ បានសម្តែងនូវការសារភាពកំហុសរបស់ខ្លួន ដែលបានប្រព្រឹត្តមិនគប្បីចំពោះ ចំពោះសម្តេច ហ៊ុន សែន។ នេះបើតាមលិខិតរបស់លោក ផ្ញើជូនសមាជិកគណបក្សខ្មែររួបរួមជាតិ កាលពីថ្ងៃទី១៦សីហា។

លោក ញឹក ប៊ុនឆៃ បានបង្ហាញការសោកស្តាយថា ដោយសារតែការសម្រេចចិត្តខុសឆ្គងរបស់លោក បាននាំមកនូវផលវិបាក និងការខូចខាតប្រយោជន៍របស់គណបក្ស និងធ្វើឲ្យប៉ះពាល់ដល់ជីវភាព បាត់បង់តួនាទី មុខតំណែង និងអនាគត។

នៅក្នុងលិខិតនោះបានបញ្ជាក់ថា ចំពោះវាសនាអនាគតរបស់គណបក្សខ្មែររួបរួមជាតិ គឺលោក ញឹក ប៊ុនឆៃ ប្រគល់ជូនទៅសមាជិកទាំងអស់ ពិចារណា និងសម្រេចតាមបែបប្រជាធិបតេយ្យ។ លោកបានជំរុញឲ្យអ្នកគាំទ្រគណបក្សខ្មែររួបរួមជាតិ កុំងាករេទៅតាមការអូសទាញ ឬឃោសនាបំភ័ន្តមតិចង់ធ្វើការផ្លាស់ប្តូរឲ្យសោះ៕