ចាប់បានពលរដ្ឋខ្មែរ១១នាក់ លួចកាប់ឈើក្រញូងក្នុងទឹកដីថៃ
- 2017-08-25 02:50:27
- ចំនួនមតិ 0 | ចំនួនចែករំលែក 0
ចាប់បានពលរដ្ឋខ្មែរ១១នាក់ លួចកាប់ឈើក្រញូងក្នុងទឹកដីថៃ
ចន្លោះមិនឃើញ
កម្លាំងល្បាតនគរបាលវរសេនាតូចការពារព្រំដែនគោកលេខ៩០៥ បានចុះបង្ក្រាបប្រជាពលរដ្ឋលួចឆ្លងដែនកាប់ឈើក្រញូង ក្នុងទឹកដីប្រទេសថៃ ចំនួន ១១នាក់ លើខ្នងភ្នំដងរែក នៅចំណុចភូមិសាស្ត្របង្គោលសីម៉ាលេខ១២។ នេះបើយោងតាមការចុះផ្សាយរបស់នាយកដ្ឋានផ្សព្វផ្សាយអប់រំ។
ប្រតិបត្តិការនេះ ធ្វើឡើងកាលពីថ្ងៃទី២៤ ខែសីហា ឆ្នាំ២០១៧ ស្ថិតនៅភូមិដងទង់ សង្កាត់កូនក្រៀល ក្រុងសំរោង ខេត្តឧត្ដរមានជ័យ។ វត្ថុតាងដែលចាប់បាន រួមមាន ឈើ១១សំពាយ ស្មើនឹង ៤០០គីឡូក្រាម ពូថៅ១១ដើម និងរណាចំនួន៣។ បច្ចុប្បន្ន ទាំងមនុស្សនិងវត្ថុតាងត្រូវបញ្ជូនទៅស្នងការដ្ឋាននគរបាលខេត្តឧត្តរមានជ័យ៕