រឿង៣យ៉ាង ដែលធ្វើឲ្យ Ousmane Dembele មានសមត្ថភាពប្រហាក់ប្រហែល Neymar

2017-08-26 01:58:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Barcelona បានសម្រេចចិត្តទិញយក Ousmane Dembele ពីក្រុម Borussia Dortmund ក្នុងតម្លៃខ្លួន ១៣៥,៥លានផោន ឬ ជិត ១៧៥លានដុល្លារអាមេរិក ដើម្បីជំនួស Neymar ដែលបានចាកចេញទៅកាន់ក្រុម PSG នៅបារាំង។

ការទិញនេះ ធ្វើឲ្យ Dembele ក្លាយជាកីឡាករដែលមានតម្លៃខ្លួនថ្លៃជាងគេលំដាប់ទី២ លើពិភពលោក បន្ទាប់ពី Neymar ។ យ៉ាងណាមិញ លក្ខណៈសម្បតិ្តណាខ្លះដែលធ្វើឲ្យកីឡាករចំណូលថ្មីរបស់ក្រុមអ្នកមានបុណ្យរូបនេះ ប្រហាក់ប្រហែលទៅនឹង Neymar បាន?

១- បច្ចេកទេសនៃការបណ្ដើរបាល់ ដូច Neymar ដែរ Dembele ដែលលេងជាខ្សែបម្រើស្លាប ជាកីឡាករដែលមានសមត្ថភាពក្នុងការបណ្ដើរបាល់ប្រកបដោយគុណភាព និងមានល្បឿនលឿនដើម្បីពុះជ្រែកជញ្ជ្រាំងការពារដ៏រឹងមាំរបស់ក្រុមគូប្រកួត។

២- Assist និង ការរកគ្រាប់បាល់

កាលពីរដូវកាលកន្លងទៅ Dembele ជាកីឡាករដែលបង្កើតឱកាសសម្រាប់ក្រុម Dortmund បានច្រើនជាងគេ (៦៣លើក) នៅលីគ Bundesliga ដោយធ្វើបានចំនួន ១២ Assist ។ ចំណែក Neymar បង្កើត Assist បាន ១១លើកនៅ Barcelona និងបង្កើតឱកាសបាន ៨៩លើក។ ចំពោះការរកគ្រាប់បាល់វិញ Neymar រកបាន ១៣គ្រាប់ ខណៈ Dembele រកបាន ៦គ្រាប់។

៣- ការចូលរួមជាមួយ Barcelona នៅក្នុងវ័យ ២០ឆ្នាំស្ដើង

Neymar បានទទួលការចាប់អារម្មណ៍ពីអ្នកស្នេហាបាល់ទាត់ ចាប់តាំងពីលេងនៅក្រុម Santos ក្នុងប្រទេសប្រេស៊ីល ក្រោយមកក៏ផ្ទេរទៅ Barcelona កាលពីឆ្នាំ២០១៣ នៅពេលដែលគេមានអាយុ ២១ឆ្នាំ ហើយទទួលបានជោគជ័យនៅទីនោះ។ រីឯ Dembele បានចួលរួមជាមួយក្រុមអ្នកមានបុណ្យ ក្នុងវ័យ ២០ឆ្នាំ ដែលគេត្រូវរំពឹងថា នឹងក្លាយជាសសរគ្រឹះយ៉ាងសំខាន់របស់ក្រុមជម្រើសជាតិបារាំង ក្នុងរយៈពេល ១ទសវត្សរ៍ខាងមុខ៕

ប្រភព៖ BBC | squawka ប្រែសម្រួល៖ លាភ.